شہباز شریف نے شوکیس میں قومی ادارے فروخت کرنے کے لئے رکھ دئیے ہیں۔ قومی اداروں کی نجکاری مسلم لیگ ن کا پرانہ وطیرہ رہا ہے، بیرسٹر ڈاکٹر سیف
وزیر اعلی خیبر پختونخوا کے مشیر برائے اطلاعات و تعلقات عامہ بیرسٹر ڈاکٹر سیف نے پی آئی اے نجکاری پر ردعمل دیتے ہوئے کہا جعلی فارم 47 حکومت نے آتے ہی پی آئی اے سے ہاتھ دھو بیٹھنے کی تیاری مکمل کرلی،شہباز شریف نے شوکیس میں قومی ادارے فروخت کرنے کے لئے رکھ دئیے ہیں۔جمعرات کو جاری ایک بیان میں مشیر اطلاعات نے کہا کہ اب جعلی حکومت کا خاتمہ لازم ہے ورنہ یہ جعلی مینڈیٹ والی سرکار پورے پاکستان کو بیچ کر لندن بھاگ جائیں گی۔ ان کا کہنا تھا کہ قومی اداروں کی نجکاری مسلم لیگ ن کا پرانہ وطیرہ رہا ہے۔ان کے پاس ملک چلانے کیلئے کوئی ٹھوس اقتصادی پالیسی نہیں ہے۔قومی اداروں کی نجکاری ماضی میں انکی حکومتوں کی بدعنوانی اور بیڈ گورننس کا نتیجہ ہے۔