صوبائی وزیر صحت خلیق الرحمان نے مردان میڈیکل کمپلیکس میں ڈینگی وائرس سے متاثرہ افراد کے لیے قائم خصوصی وارڈ کا دورہ کیا

صوبائی وزیر صحت خلیق الرحمان نے مردان میڈیکل کمپلیکس میں ڈینگی وائرس سے متاثرہ افراد کے لیے قائم خصوصی وارڈ کا دورہ کیا۔ اس موقع پر صوبائی وزیر خوراک ظاہر شاہ طورو، ممبران صوبائی اسمبلی عبدالسلام آفریدی، افتخار علی مشوانی اور ڈیڈک چیئرمین زرشاد خان بھی اُن کے ہمراہ تھے۔وزراء اور منتخب نمائندوں نے ڈینگی سے متاثرہ مریضوں کی عیادت کی اورہسپتال میں دستیاب سہولیات کا تفصیلی جائزہ لیا اور محکمہ صحت کے عملے کو ہدایت کی کہ ڈینگی وائرس کے تدارک کے لیے تمام ممکنہ اقدامات بروقت اور مؤثر انداز میں کیے جائیں۔انہوں نے عوام کو بھی احتیاطی تدابیر اختیار کرنے اور اس سلسلے میں ضلعی انتظامیہ کے ساتھ تعاون کی اپیل کی تاکہ ڈینگی وائرس پر قابو پایا جا سکے