وزیر صحت سید قاسم علی شاہ کی طرف سے کینٹ جنرل ہسپتال پشاور کو ادویات کا عطیہ

خیبر پختونخوا کے وزیر صحت سید قاسم علی شاہ کی طرف سے کینٹ جنرل ہسپتال پشاور کو ادویات کا عطیہ دیا گیا ہے، ادویات کا عطیہ ممبر کینٹ بورڈ محمداُسید سیٹھی اور ایگزیکٹیو آفیسر کینٹ بورڈ پشاور کی درخواست پر فراہم کیا گیا۔ وزیر صحت کا اس موقع پر کہنا تھا کہ کینٹ بورڈ ہسپتال نوتھیہ، سواتی پھاٹک، گلبرگ، لال کرتی، کالا باڑی اور لنڈی ارباب سمیت دیگر ملحقہ علاقوں کے عوام کو صحت کی بہتر خدمات فراہم کررہا ہے۔ انہوں نے مزید بتایا کہ ان ادویات میں گولیاں، شربت وائل و دیگر ضروری ادویات شامل ہیں۔ وزیر صحت سید قاسم علی شاہ نے یہ بھی بتایا کہ اس اقدام سے ملحقہ علاقوں کے عوام کو صحت کی بہترین سہولیات مہیا ہونگیں جبکہ ادویات کی بلا تعطل فراہمی بھی یقینی ہو جائے۔ ادویات کی فراہمی پر کینٹ بورڈ کے وائس پریزیڈنٹ ید اللہ بنگش، ممبر محمد اسید سیٹھی، نعیم بخش نعمان فاروق اور علی جان نے عوام کی جانب سے وزیر صحت کا شکریہ ادا کیا ہے۔