خیبر پختونخوا کے وزیر برائے اعلیٰ تعلیم میناخان آفریدی نے کہا ہے کہ

خیبر پختونخوا کے وزیر برائے اعلیٰ تعلیم میناخان آفریدی نے کہا ہے کہ تعلیمی اداروں میں نصابی سرگرمیوں کے ساتھ ساتھ کھیلوں کی سرگرمیوں کے انعقاد پر بھی خصوصی توجہ دی جارہی ہے انہوں نے متعلقہ حکام کو ہدایت کی کہ انٹرزونل/ صوبائی سطح پر سپورٹس گالا کے کامیاب انعقاد کیلیے ضروری اقدامات اٹھاکر جنوری کے آخر میں منعقد کی جائیں وہ جمعرات کے روز محکمہ اعلیٰ تعلیم کے کمیٹی روم میں انٹرزونل مقابلوں کی انعقاد کے حوالے سے متعلق اجلاس کی صدارت کررہے تھے اجلاس میں سپیشل سیکرٹری محکمہ اعلیٰ تعلیم غلام سعید، ایڈیشنل سیکرٹری مظہر، چئیرمین بوڈ آف انٹرمیڈیٹ اینڈ سیکنڈری ایجوکیشن پشاور نصراللہ خان، ڈائریکٹر اعلیٰ تعلیم فریداللہ شاہ، ڈائریکٹر سپورٹس شہید بینظیر وومن یونیورسٹی پشاورماریہ سمین، پرنسپل گورنمنٹ باچاخان گرلز ڈگری کالج زوبیہ قمر، ڈائریکٹر سپورٹس باچاخان گرلز ڈگری کالج آفشین، ریجنل ڈائریکٹر اعلیٰ تعلیم ملاکنڈ عنایت اللہ، ڈپٹی ڈائریکٹر سپورٹس محکمہ اعلیٰ تعلیم ڈاکٹر محمد عمران خان محکمہ کھیل کے افسران اور دیگر نے شرکت کی اجلاس میں صوبائی وزیر کو انٹر زونل/ پرووینشل سپورٹس گالا سے متعلق تفصیلی بریفنگ دی گئی صوبائی وزیر کو بریفنگ میں بتایاگیا کہ انٹرکالجیٹ مقابلوں کے فاتح ٹیموں کا انٹر زونل/ صوبائی سطح پر مقابلوں کا انعقاد جنوری کے آخر میں ہوگا انٹرزونل/ پرووینشل مقابلوں میں 8 زونز سے مختلف کھیلوں میں میل اور فیمیل کھلاڑی حصہ لینگے۔8 زونز کو پشاور، کوہاٹ، ڈی آئی خان، بنوں، مردان، ہزارہ، سوات اور ملاکنڈ میں تقسیم کیا گیا ہے جس میں کل 2172 میل، فیمیل کھلاڑی اور آفیشلز حصہ لے رہے ہیں ایونٹ میں 952 میل پلئیرز جبکہ 892 فی میل پلیئرز حصہ لینگے میل مقابلوں میں کرکٹ، فٹ بال، ہاکی، باسکٹ بال، تھرو بال، چک بال، ہینڈ بال، بیڈمنٹن، ٹیبل ٹینس، سکواش، اور ایشین سٹائل کبڈی کے مقابلے ہونگے اور فیمیل مقابلوں میں کرکٹ، فٹ بال، ہاکی، ولی بال، نیٹ بال، باسکٹ بال، چک بال، ہینڈ بال، تھرو بال، بیڈمنٹن اور ٹیبل ٹینس شامل ہیں سپورٹس گالا کے تمام مقابلے پشاور، چارسدہ، نوشہرہ اور مردان میں منعقد ہونگے بریفنگ میں صوبائی وزیر نے سپورٹس گالا کے آرگنائزرز کو ہدایت جاری کی کہ کامیاب ایونٹ کے انعقاد کیلیے اقدامات اٹھائیں اور تمام تیاریوں پر کام تیز کرکے وقت پر مکمل کئے جائیں۔