خیبرپختونخوا کے وزیر برائے لائیو سٹاک، فشریز و کوآپریٹیو فضل حکیم خان یوسفزئی نے کہا ہے

خیبرپختونخوا کے وزیر برائے لائیو سٹاک، فشریز و کوآپریٹیو فضل حکیم خان یوسفزئی نے کہا ہے کہ ہم پاکستان میں ایسے نظام کے خواہاں ہیں جس میں حقیقی معنوں میں قانون کی حکمرانی، جمہوریت کے استحکام، انصاف و شفافیت کے فروغ اور آئین کی بالادستی ہو خیبرپختونخوا میں عمران خان کے ویژن کے مطابق ترقی و خوشحالی کا سفر جاری ہے ہم اپنے آئینی حقوق کے حصول پر کوئی سمجھوتہ نہیں کریں گے اور اس مقصد کے لئے کسی بھی حد تک جا سکتے ہیں۔ ان خیالات کا اظہار انہوں نے اپنے دفتر پشاور میں صوبے کے مختلف ضلعوں سے آئے ہوئے وفودسے گفتگو کرتے ہوئے کیا اس موقع پر لوگوں نے فضل حکیم خان یوسفزئی کو اپنے انفرادی اور اجتماعی مسائل سے بھی آگاہ کیا جنہیں صوبائی وزیر نے انتہائی غور سے سنا اور انکے مناسب حل کی یقین دہانی کرائی جبکہ بعض مسائل کو موقع پر متعلقہ افسران سے رابطہ کرکے حل بھی کیا۔فضل حکیم خان یوسفزئی نے لوگوں سے گفتگو کرتے ہوئے کہا کہ عوامی مسائل کا حل اولین ترجیح ہے خیبر پختونخوا میں حقیقی معنوں میں عوام کی نمائندہ حکومت قائم ہے موجودہ صوبائی حکومت عام آدمی کی حالت زندگی بہتر بنانے پر خصوصی توجہ دے رہی ہے، عوام نے جس مقصد کیلئے ہمیں ووٹ دیا ہے ہم وہ مقاصد حاصل کرنے کیلئے پر عزم ہیں، لوگوں کو پینے کے صاف پانی کی فراہمی، صحت، تعلیم اور دیگرضروریات زندگی فراہم کرنے کیلئے ہماری کوششیں جاری ہیں انہوں نے کہا کہ وہ عوامی لوگ ہیں اور عوامی مسائل و مشکلات سے بخوبی آگاہ ہیں کیوں کہ عوام ہمارا سرمایہ ہیں اوران کو عزت و احترام دینا اولین ترجیح ہے۔