خیبرپختونخوا حکومت قرض اتارنے والا پہلا صوبہ بن گیا، ڈیبٹ مینجمنٹ فنڈز میں 30 ارب روپے منتقل کر دیئے، مشیر خزانہ خیبرپختونخوا مزمل اسلم
دوسرے صوبے اور وفاقی حکومت صرف قرض لیتے ہیں اتارنے کیلئے ان کے پاس کوئی پروگرام نہیں، مشیر خزانہ خیبرپختونخوا مزمل اسلم
*جب وفاق میں ہماری حکومت آئے گی ملکی قرض بھی کم اور ختم کریں گے، مشیر خزانہ خیبرپختونخوا مزمل اسلم *
وزیر اعلیٰ خیبرپختونخوا کے مشیر برائے خزانہ و بین الصوبائی رابطہ مزمل اسلم نے کہا ہے کہ خیبرپختونخوا حکومت قرض اتارنے والا پہلا صوبہ بن گیا ہے ڈیبٹ مینجمنٹ فنڈز میں 30 ارب روپے منتقل کر دیئے ہیں دوسرے صوبے اور وفاقی حکومت صرف قرض لیتے ہیں لیکن قرض اتارنے کیلئے انکے پاس کوئی پروگرام نہیں ہے جبکہ خیبرپختونخوا حکومت نے قرض اتارے کیلئے قائم کیے گئے فنڈز میں 30 ارب روپے منتقل کر دئیے ہیں۔ ان خیالات کا اظہاروزیر اعلیٰ کے مشیر خزانہ و بین الصوبائی رابطہ مزمل اسلم نے اپنے دفتر سے جاری ہونے والے اپنے ایک ویڈیو بیان میں کیا۔ مزمل اسلم نے کہا کہ خیبرپختونخوا حکومت مزید اس میں 30 سے 40 ارب روپے منتقل کر سکتی ہے، مشیر خزانہ خیبرپختونخوا نے کہا کہ ڈیبٹ مینجمنٹ فنڈز خیبرپختونخوا حکومت کی مجموعی قرض 725 ارب روپے کے 10 فیصد تک لے کر جا سکتے ہیں اور آج فنڈز منتقل کرنا شروع کردیا ہے مالی حالات کو دیکھتے ہوئے مزید فنڈز منتقل کریں گے۔ مشیر خزانہ خیبرپختونخوا نے کہا کہ خیبرپختونخوا حکومت نے وفاقی اور دوسری صوبائی حکومتوں کو قرض اتارنے میں پیچھے چھوڑ دیا ہے جب وفاق میں ہماری حکومت آئے گی ملکی قرض بھی کم اور ختم کریں گے۔ مشیر خزانہ خیبرپختونخوا نے کہا کہ خیبر پختونخوا حکومت نے پچھلے چھ مہینے میں 20 ارب پینشن اور 20 ارب روپے گریجوٹی فنڈ میں منتقل کیے ہیں مزمل اسلم نے کہا کہ ڈیبٹ منیجمنٹ فنڈز میں منتقل کیے گئے فنڈز پر تین سے چار ارب روپے منافع بھی کما کر انھیں محفوظ بنایا گیاہے اور ہماری حکومت آنے سے پہلے خیبرپختونخوا کے خزانہ میں تنخواہ جتنے فنڈز نہ ہونے کی باتیں زبان زدعام تھیں لیکن اب خیبرپختونخوا حکومت کے خزانے میں تین ماہ کی ایڈوانس تنخواہیں بھی پڑی ہوئی ہیں اور وزیراعلی خیبرپختونخوا علی امین گنڈاپور کی ہدایات تھیں کہ کم از کم دو ماہ تنخواہ کے فنڈز خزانے میں ہونے چائییں مزمل اسلم نے کہا کہ صوبائی حکومت بانی پی ٹی آئی عمران خان کی وژن کی جانب گامزن ہے اور وزیراعلی علی امین گنڈاپور کی قیادت میں خیبرپختونخوا حکومت کا قرض ختم اور معیشت مستحکم کریں گے، مشیر خزانہ خیبرپختونخوا نے کہا کہ وفاقی حکومت نے صرف ماہ نومبر میں 12248 ارب روپے کا قرض لیا ہے جبکہ خیبر پختونخواہ کا 77 سال کا مجمو عی قرض 725 ارب ہے مزمل اسلم نے کہا کہ اتنا قرض شھباز شریف حکومت نے نومبر کے پہلے 20 دن میں لیا ہے اور پاکستان کا قرض 70,400 ارب تک پہنچ گیا ہے جو اپریل 2022 میں 43,500 ارب روپے تھا مزمل اسلم نے کہا کہ اپریل 2022 سے پورے 27,000 ارب کا اضافہ ہوا ہے۔