صوبائی وزیر سید قاسم علی شاہ صوبائی رہائشگاہ پر پبلک ڈے کا انعقاد، صوبائی مسائل کے فوری حل کی یقین دہانی

صوبائی وزیر سید قاسم علی شاہ نے آج پبلک ڈے کے موقع پر اپنی رہائشگاہ پر علاقے کے عوام، تنظیمی عہدیداران، چیئرمینوں اور پارٹی کارکنان سے ملاقات کی۔اس موقع پر بڑی تعداد میں سائلین نے صوبائی وزیر سے اپنے مسائل اور مشکلات بیان کیں۔ عوام نے پانی، بجلی، صفائی، سڑکوں، صحت، تعلیم اور دیگر مسائل کے حوالے سے درخواستیں پیش کیں۔صوبائی وزیر سید قاسم علی شاہ نے سائلین کے مسائل توجہ سے سنے اور ان کے فوری حل کے لیے متعلقہ محکموں کو ہدایات جاری کیں۔ انہوں نے کہا کہ عوامی خدمت ان کی اولین ترجیح ہے اور عوام کے مسائل کے حل کیلئے تمام تر وسائل بروئے کار لائے جائیں گے۔انہوں نے مزید کہا کہ عوامی مسائل کا حل حکومت کی ذمہ داری ہے اور وہ عوام کے اعتماد پر پورا اترنے کی ہر ممکن کوشش کریں گے۔ ملاقات میں پارٹی رہنماؤں اور مقامی چیئرمینوں نے صوبائی وزیر کے اقدامات کو سراہا اور انہیں اپنی جانب سے مکمل تعاون کی یقین دھانی کرائی.