قاضی حسین احمد میڈیکل کمپلیکس/نوشہرہ میڈیکل کالج ایم ٹی آئی نوشہرہ میں ایسوسیشن آف کمیونٹی ڈویلپمنٹ کی شراکت سے ٹی بی کے عالمی دن کے حوالے سے سیمینار کا انعقاد ہوا

نوشہرہ میڈیکل کالج کے ڈین پروفیسر ڈاکٹر انور خان وزیر اور قاضی حسین احمد میڈیکل کمپلیکس ایم ٹی آئی نوشہرہ کے میڈیکل ڈائریکٹر پروفیسر ڈاکٹر سردار سہیل آفسر سیمینار کے مہمان خصوصی تھے۔ سیمینار میں ٹی بی آگاہی کے حوالے سے مقررین نے خیالات کا اظہار کرتے ہوئے کہا کہ پاکستان ٹی بی کا پانچوا ملک ہے جوکہ بہت تشویشناک ہے اور اعدادوشمار کے مطابق پاکستان میں سالانہ 668000 ٹی بی کیسز نمودار ہوتے ہیں۔ مقررین میں ڈاکٹر میر عالم درانی ڈی ٹی او، ڈاکٹر نوشین صاحبزادہ ریجنل کورڈینیٹر آے سی ڈی، ڈاکٹر ابوزر ڈپٹی ڈی ایچ او نوشہرہ اور اسسٹنٹ پروفیسر و میڈیکل سپیشلسٹ ڈاکٹر نیاز علی شامل تھے۔مذکورہ سیمینار میں متعدد ڈسٹرکٹ ہیلتھ آفس نوشہرہ، ڈاکٹرز، نرسز، پیرا میڈیکل سٹاف اور میڈیکل کالج طلبہ و طالبات نے کثیر تعداد میں شرکت کی۔سیمینار کے اختتام میں بہترین کارکردگی دکھانے والے ڈاکٹرز اور پیرامیڈیکل سٹاف میں تعریفی اسناد اور شیلڈ تقسیم کی گئیں۔