چیف سیکرٹری خیبرپختونخوا ندیم اسلم چوہدری کا”نیشنل ریزیلینس ڈے”پر پیغام

8 اکتوبر 2005 کے زلزلے کے دوران پاکستان اور آزاد جموں و کشمیر کو بہت بڑے نقصان کا سامنا کرنا پڑا، یہ ایک دل دہلانے والہ سانحہ تھا لیکن پاکستان اور کشمیر کے عوام استقامت اور یکجہتی سے اس سانحے سے نمبرد آزما ہوئے. ہم ان تمام لوگوں کی بے لوث خدمات کے شکر گزار ہیں جنہوں نے ایسی آفات کے وقت انتھک محنت کی، خصوصاً رضاکاروں اور ڈیزاسٹر مینجمنٹ اتھارٹیز کا جو قدرتی آفات کے دوران نسل انسانی کو محفوظ بنانے کے لئے فعال کردار ادا کرتے ہیں۔ یہاں یہ بات نہایت ضروری ہے کہ ہم مجموعی قومی صلاحیتوں سے بھرپور استفادہ کرتے ہوئے موسمیاتی تبدیلیوں اور قدرتی آفات کے اثرات کو کم کرنے کے لیے بہتر طریقے اپنائیں، آگاہی عام کریں، اور ملکر مضبوط خیبر پختونخوا اور پاکستان کے لئے اداروں کو مستحکم کریں. رب العالمین ہم سب کو قدرتی آفات سے محفوظ رکھے،