خیبر پختونخوا کے وزیر برائے محنت فضل شکورخان نے کہا ہے کہ

خیبر پختونخوا کے وزیر برائے محنت فضل شکورخان نے کہا ہے کہ ورکرز ویلفیئر بورڈ خیبر پختونخوا میں انقلابی اصلاحات کا سلسلہ جاری ہے ورکرز ویلفیئر بورڈ کی کالونیوں میں واقع دکانوں سے ریونیو بڑھانے کے لئے ہر ممکن اقدامات اٹھارہے ہیں جبکہ اس ضمن میں دیگر مختلف بزنس پلان بھی زیرغور ہیں۔ صوبائی وزیر نے ان خیالات کا اظہار منگل کے روز پشاور میں ورکرز ویلفیئر بورڈ میں جاری اصلاحات سے متعلق اجلاس کی صدارت کرتے ہوئے کیا اجلاس میں سیکرٹری ڈبلیو ڈبلیو بی محمد طفیل اور ڈائریکٹر فنانس سیف اللہ ظفر نے شرکت کی صوبائی وزیر کو سیکرٹری ڈبلیو ڈبلیو بی نے اصلاحات کے بارے تفصیلی بریفنگ دی گئی بریفنگ میں بتایاگیا کہ نئے سکالرشپس کے لئے اپلائی کرنے والوں کی آسانی کی خاطر ایک پورٹل بنایا ہے جس سے سکالرشپس بروقت مستحقین میں شفاف طریقے سے تقسیم ہوں گی مزید بتایاگیا کہ لیبر کالونیوں میں واقع دکانوں کی نیلامی کرکے مارکیٹ ریٹ کے مطابق کرایہ پر دیا ہے جس سے ڈبلیو ڈبلیو بی کی آمدن میں لاکھوں روپے کا اضافہ ہوا ہے اجلاس میں بورڈ کی آمدن بڑھانے کے لئے اہم بزنس پلان سمیت سمارٹ مارکیٹ اور دیگر اہم امور پر غوروحوض کیاگیا اس موقع پر صوبائی وزیر نے متعلقہ افسران کو ہدایت کی کہ ورکرز ویلفیئر بورڈ میں جدید دور کی اصلاحات اور بورڈ میں موجود خامیوں کو دور کرنے کے لئے عملی اقدامات اٹھائے جائیں انہوں نے کہا کہ بورڈ میں عوام کے بہتر مفاد میں اصلاحات متعارف کرنے کے لئے ہر ایک کو سنجیدگی سے کام کرنا ہوگا جو کام میں دلچسپی نہیں لے گا ا س کے خلاف سزا کا عمل شروع ہوگا انہوں ڈبلیو ڈبلیو بی سکالرشپس کو بروقت مستحقین میں شفاف طریقے سے تقسیم کرنے پر بھی زور دیا۔