صوبائی وزیر زراعت کا کرک میں انڈس ہائی وے پر ٹریفک حادثے پر گہرے دکھ اور افسوس کا اظہار

خیبر پختونخوا کے وزیر زراعت میجر ریٹائرڈ سجاد بارکوال نے کرک میں انڈس ہائی وے پر پیش آنے والے المناک ٹریفک حادثے میں قیمتی جانوں کے ضیاع پر گہرے رنج و غم کا اظہار کیا ہے۔ صوبائی وزیرنے جاں بحق ہونے والے افراد کے اہل خانہ سے دلی ہمدردی کا اظہار کرتے ہوئے مرحومین کی مغفرت اور بلند درجات کی دعا کی۔ انہوں نے زخمیوں کے لیے فوری اور بہترعلاج معالجے کی ہدایات جاری کرتے ہوئے کہا کہ ضلعی انتظامیہ اور طبی عملہ زخمیوں کی مکمل طبی امداد یقینی بنائے،علاج میں کسی قسم کی کوتاہی برداشت نہیں کی جائے گی۔