عشرو زکوۃ کی رقم مستحقین,غرباء اور لاچار افراد میں مخلصانہ طریقے سے تقسیم کی جائے گی، پختون یار خان

خیبر پختونخوا کے وزیر برائے پبلک ہیلتھ انجینئرنگ پختون یارخان نے کہاہے کہ عشرو زکوۃ کی رقم مستحقین,غرباء اور لاچار افراد میں مخلصانہ طریقے سے تقسیم کی جائے گی کسی قسم کی لوٹ مار اور کرپشن کی اجازت نہیں دی جائے گی مستحق خاندانوں کوان کی دہلیز پر زکوۃ کی رقم پہچائی جائے گی ان خیالات کااظہاراُنہوں نے ڈسٹرکٹ زکوۃ کمیٹی بنوں کے چیئرمین ملک نیاز احمد خان سے ملاقات کے موقع پر کیا اُنہوں نے کہاکہ خیبر پختونخوا کی حکومت عوام کی فلاح و بہود کیلئے پیش پیش ہے عشر و زکوۃ کی رقم سے غرباء کی مدد کی جائے گی جن افراد کو آنکھوں یا دیگر آپریشن کی ضرورت ہو تو ان کو محکمہ زکوۃ کی جانب سے ضروریات پوری کی جائیں گی جو خاندان بیٹیوں کے جہیز کی طاقت نہیں رکھتا اس کوعشر وزکوۃ کی رقم سے جہیز کا سامان خریدکر دیا جائے گا بنوں زکوۃ دفتر کی کمی کو پورا کیا جائے اگلے ماہ سے امدادی رقوم کی تقسیم کاسلسلہ شروع کیا جائے گاجس پر زکوۃ کمیٹی کا م کرے گی۔