نگران وزیر برائے خزانہ، مال اور اینڈ اینڈٹیکسیشن کی صدارت میں اہم اجلاس کا انعقاد

خیبرپختونخوا کے نگران وزیر برائے خزانہ،مال اورایکسائز اینڈ اینڈٹیکسیشن احمد رسول بنگش نے جمعرات کے روز واٹر اینڈ سنیٹیشن سروسز کمپنی کے دفتر واقع کے ڈی اے کوہاٹ میں بورڈ آف ڈائریکٹرز کے اجلاس کی صدارت کی۔ اجلاس میں ڈپٹی کمشنر کوہاٹ ڈاکٹر عظمت اللہ وزیر،چیف ایگزیکٹیو آفیسر ڈبلیو ایس ایس سی کوہاٹ کے علاوہ دیگر متعلقہ حکام نے شرکت کی۔ اس موقع پر محکمہ کے سی ای اونے محکمہ کی مجموعی کارکردگی پر صوبائی وزیر کو تفصیلی بریفنگ دی۔ اجلاس کے شرکاء سے خطا کرتے ہوئے صوبائی وزیرنے کہا کہ نگران حکومت عوام کو تمام بنیادی سہولیات اورخدمات کی بلاتعطل فراہمی کویقینی بنانے کیلئے حتی المقدور کوشش کررہی ہے۔انہو ں اجلاس میں پیش کئے گئے مسائل ومشکلات کاحوالہ دیتے ہوئے کہا کہ سخت مالی مشکلات کے باوجود مسائل ومشکلات کے حل کیلئے ترجیحی بنیادوں پرعملی اقدامات اٹھائے جارہے ہیں۔انہوں نے متعلقہ حکام کو بھی ہدایات کی کہ عوام سے وابستہ خدمات اورذمہ داریوں کوبطریق احسن سرانجام دینے میں کوئی کسرنہ اٹھا ئیں۔ انہوں نے اجلاس میں کئے گئے فیصلوں پرعمل درآمد یقینی بنانے کیلئے سختی سے تاکید کی۔