خیبر پختونخوا کے سیکرٹری اطلاعات اور ڈائریکٹر جنرل اطلاعات و تعلقات عامہ کا پشاور پریس کلب کا دورہ

خیبر پختونخوا کے سیکرٹری محکمہ اطلاعت سید جبار شاہ اور ڈائریکٹر جنرل اطلاعات و تعلقات عامہ محمد عمران خان نے پیر کے روز پشاور پریس کلب کا دورہ کیا، اور پشاور پریس کلب کے نو منتخب صدر اور ان کی نو منتخب کابینہ کے ارکان کے ساتھ ملاقات کی اس موقع پر انہوں نے پشاور پریس کلب کے نو منتخب صدر ارشد عزیز ملک اور ان کے کابینہ ارکان کو مبارکباد دیتے ہوئے کہا کہ خیبر پختونخوا حکومت اور محکمہ اطلاعات و تعلقات عامہ، صحافیوں کی فلاح و بہبود کے لیے کئی عدد اقدامات کر رہے ہیں،انہوں نے امید ظاہر کی کہ نو منتخب صدر اور ان کے کابینہ ارکان صوبے میں مثبت صحافت کے فروغ کے لیے اپنی تمام تر صلاحیتوں کو بروئے کار لائیں گے اور غیر ضروری سنسنی خیز ی کی بجائے حکومت اور عوام کے مابین پل کا کردار ادا کرتے ہوئے عوام کی فلاح و بہبود کے لیے حکومتی فلاحی و ترقیاتی اقدامات کو بہتر طور پر اجاگر کریں گے تاکہ حکومتی ترقیاتی و فلاحی اقدامات سے عام لوگ بہتر طور پر استفادہ حاصل کر سکیں جبکہ نو منتخب صدر اور کابینہ ارکان صحافی برادری کی فلاح و بہبود کے لیے بھی مثبت سوچ کے ساتھ مزید جدوجہد کریں گے، اس سلسلے میں صحافی برادری اور ان کے نو منتخب نمائندوں کو سیکرٹری محکمہ اطلاعت و تعلقات عامہ اور ڈائریکٹر جنرل اطلاعات و تعلقات عامہ کی جانب سے ہر ممکن تعاون فراہم کیا جائیگا اور ان کی بھرپور حوصلہ افزائی بھی کی جائے گی۔