وزیر اعلیٰ تعلیم خیبر پختونخوا سے ایسوسی ایشن کے وفد کی ملاقات، تعلیمی امور پر تبادلہ خیال۔

خیبر پختونخوا کے وزیر برائے اعلیٰ تعلیم میناخان آفریدی سے ان کے دفتر سول سیکرٹریٹ میں ٹیچنگ سٹاف ایسوسی ایشن(ٹی ایس اے) اسلامیہ کالج پشاور کے وفد نے ایسوسی ایشن کے صدر ڈاکٹر فضل واحد کی سربراہی میں ملاقات کی وفد نے صوبائی وزیر کو محکمہ اعلیٰ تعلیم کا قلمدان سنبھالنے پر مبارکباد دی اور نیک تمناؤں کا اظہار کیا وفد نے صوبائی وزیر کو جامعات کے مختلف مسائل سے تفصیلی طور پرآگاہ کیا اور امید ظاہر کی کہ صوبائی وزیر جامعات کو درپیش چیلنجز اور مشکلات کو حل کرنے کیلئے عملی اقدامات اٹھائیں گے وفد نے صوبائی وزیر کو بتایا کہ جامعات کے مسائل پیچیدہ اور گھمبیر ہیں جن کے حل کے لیے حکومت، جامعات کے اساتذہ اور طلبا کو مل کر کر کام کرنا ہوگا تاکہ مرتب لائحہ عمل کے لیے راہ ہموار ہوسکے ایسوسی ایشن نے اس سلسلے میں صوبائی وزیر تعلیم کو مکمل تعاون کا یقین دلایا اس موقع پر وزیر تعلیم میناخان آفریدی نے وفد کی تجویز کو سراہا اور مل کر کام کرنے کا اعادہ کیا وفد ایسوسی ایشن کے نائب صدر ڈاکٹر شاہ نواز، جنرل سیکرٹری اول سید اور ایگزیکٹو ممبران ڈاکٹر سعید اللہ جان اور فیصل شہزاد پر مشتمل تھا۔