کوہاٹ کی لیبر کالونیوں میں غیر قانونی رہائش پذیرلوگوں کے خلاف قانونی کاروائی۔

خیبرپختونخوا کے وزیر برائے محنت فضل شکور خان نے لیبر ڈیپارٹمنٹ کے متعلقہ افسران کو ہدایت کی ہے کہ کوہاٹ کی لیبر کالونیوں میں غیر قانونی اور غیر متعلقہ طور پر رہائش پذیرلوگوں کے خلاف قانونی کاروائی کرکے کوارٹرز کو فوری طور پر خالی کرائیں اور ان کوآرٹرز کو میرٹ اور شفافیت کی بنیاد پر مستحق اور حقدار لوگوں ں کو الاٹ کریں انہوں نے مزید ہدایت کی کہ کوہاٹ کی لیبر کالونیوں کے کئیر ٹیکرز سمیت دیگر عملے کی بائیو میٹرک حاضری کو یقینی بنائیں اور جو کام میں دلچسپی نہیں لیتا اور حیلے بہانے کرتے ہیں ان کے خلاف بھی قانونی کاروائی عمل میں لائی جائے یہ ہدایات انہوں نے ضلع کوہاٹ کے لیبر کالونیوں میں فیملی کوارٹرز کے مسائل کے حوالے سے منعقدہ اجلاس کی صدارت کرتے ہوئے جاری کئے اجلاس میں ڈائریکٹر ایڈمن ورکرز ویلفیئر بورڈ اور دیگر افسران نے شرکت کی اجلاس میں صوبائی وزیر کو کوہاٹ کی فیملی کوارٹرز کے بارے میں تفصیلی طور پر اگاہ کیا گیا صوبائی وزیر کو بتایاگیاکہ فیملی کوارٹرز میں رہنے والے سابقہ ورکرز کو کوارٹرز خالی کرانے کے نوٹسز جاری کیے ہیں جن کو بہت جلد خالی کرا کے حقداروں کو الاٹ کریں گے صوبائی وزیر نے کہا کہ لیبر کالونیوں میں بنائے گئے کوارٹرز ورکرز کے لیے قائم کئے ہیں اور ان پر ان ورکرز کا حق ہے جو مختلف فیکٹریوں میں کام کر رہے ہیں غیر متعلقہ اور غیر قانونی طور پر کوارٹرز میں رہنے والوں کا کوئی حق نہیں بنتا کہ وہ ان کوارٹرز میں رہائش پزیر ہوں