خیبر پختونخوا کے وزیر لائیو سٹاک فضل حکیم خان یوسفزئی کی زیر صدارت مینگورہ سٹی سوات میں لوگوں کو صاف پانی کی فراہمی کے حوالے سے خیبر پختونخوا سٹی ایمپرومنٹ پراجیکٹ کا اجلاس جمعرات کے روز انکے دفتر میں منعقدہ ہوا اجلاس میں پراجیکٹ ڈائریکٹر اور دیگر متعلقہ افسران نے شرکت کی صوبائی وزیر کو اجلاس میں خیبر پختونخوا سٹی ایمپرومنٹ پراجیکٹ کے تحت مینگورہ سٹی میں صاف پانی کی فراہمی پر تفصیلی بریفنگ دی گئی جبکہ اجلاس میں مینگورہ فیملی پارک پر بھی صوبائی وزیر کو تفصیلی طور پر آگاہ کیا گیا صوبائی وزیر کو مذکورہ دونوں منصوبوں پر اب تک ہونے والے تعمیراتی کام اورمنصوبوں میں حائل روکاوٹوں کے بارے میں بتایاگیا اس موقع پر صوبائی وزیر نے متعلقہ افسران کو ہدایت کی کہ عوام کی بہتر مفاد میں ان منصوبوں کی بروقت تکمیل کو یقینی بنایا جائے۔ انہوں نے کہاکہ عوام سے کئے گئے وعدوں کو عملی جامہ پہنانے کے لئے موجودہ صوبائی حکومت سنجیدگی سے اقدامات کررہی ہے حلقہ پی کے 6 اور مینگورہ سٹی کے رہائشیوں کے لئے پینے کی صاف پانی کے فراہمی سے وہاں کے لوگوں کا دیرینہ مطالبہ پورا ہوجائیگا۔
DGIPR
Directorate General Information & PRs, Khyber Pakhtunkhwa
Quick Access
Important Links
Your Voice
© 2023 DGIPR. All data available on the website is for general public and media. You can use and share it.