وزیراعلیٰ خیبرپختونخوا کے معاون خصوصی برائے ٹیکنیکل ایجوکیشن طفیل انجم

وزیراعلیٰ خیبرپختونخوا کے معاون خصوصی برائے ٹیکنیکل ایجوکیشن طفیل انجم نے گورنمنٹ کالج آف ٹیکنالوجی نوشہرہ کا اچانک دورہ کیا۔اس موقع پر کالج پرنسپل انجینئر ظفر اقبال اور دیگر سٹاف بھی موجود تھے۔معاون خصوصی نے اپنے خطا ب میں کہا کہ فنی تعلیم کا فروغ اور طلباء کو معیاری فنی تعلیم کی فراہمی اولین ترجیح ہے۔اس موقع پر انہوں نے گورنمنٹ کالج آف ٹیکنالوجی نوشہرہ میں سہولیات کا تفصیلی جائزہ لیا، انہوں نے طلباء کے ساتھ ملاقات کی اور ان کے مسائل سنے۔معاون خصوصی نے گورنمنٹ کالج آف ٹیکنالوجی نوشہرہ کے طلباء کو تمام تر سہولیات فراہم کرنے کی یقین دہانی کراتے ہوئے کالج میں طلباء کو معیاری تعلیم سمیت تمام تر بنیادی سہولیات فراہم کرنے کی ہدایت کی۔انہوں نے طلباء کے اچھے مستقبل کے لئے عملی اقدامات اٹھانے کی بھی یقین دہانی کرا ئی۔معاون خصوصی طفیل انجم نے کہا کہ صوبے میں فنی تعلیم کے فروغ کے لئے اچانک دوروں کا سلسلہ جاری رہے گا۔ انہوں نے سٹاف کی حاضری اور طلباء کو دی جانے والی تعلیمی سرگرمیوں کا بھی معائنہ کیا۔