ڈپٹی ڈائریکٹر (پولیو) گیٹس فاؤنڈیشن مائیکل گالوے کی چیف سیکرٹری شہاب علی شاہ سے ملاقات، پولیو کے خاتمے کے لیے تعاون بڑھانے پر اتفاق

ڈپٹی ڈائریکٹر (پولیو) گیٹس فاؤنڈیشن، مائیکل گالوے نے منگل کے روز چیف سیکرٹری خیبر پختونخوا، شہاب علی شاہ سے پشاور میں ملاقات کی، جس میں صوبے میں پولیو کے خاتمے کے لیے جاری کوششوں پر تبادلہ خیال کیا گیا۔ ملاقات میں پولیو کے مکمل خاتمے کے لیے ویکسینیشن مہمات کے تسلسل اور عوامی تعاون میں بہتری کے ذریعے کوششوں کو مزید آگے بڑھانے پر اتفاق کیا گیا۔ اس موقع پر سیکرٹری صحت خیبر پختونخوا، کوآرڈینیٹر پراونشل ای او سی اور دیگر متعلقہ حکام بھی موجود تھے۔ چیف سیکرٹری شہاب علی شاہ نے پولیو کے خاتمے کے لیے مکمل تعاون اور بھرپور عزم کا اظہار کیا۔