خیبر پختونخوا کے وزیر کھیل اور امور نوجوانان سید فخر جہان اور وزیر اعلیٰ خیبر پختونخوا کے معاون خصوصی برائے صنعت وحرفت عبدالکریم تورڈھیر نے

خیبر پختونخوا کے وزیر کھیل اور امور نوجوانان سید فخر جہان اور وزیر اعلیٰ خیبر پختونخوا کے معاون خصوصی برائے صنعت وحرفت عبدالکریم تورڈھیر نے پشاور پریس کلب کی نو منتخب کابینہ کو انکی کامیابی پر مبارکباد دی ہے۔اپنے اپنے تہنیتی بیان میں صوبائی وزیر اور معاون خصوصی نے پریس کلب کے نو منتخب صدر ایم ریاض، جنرل سیکرٹری طیب عثمان،نائب صدر عرفان خان، جائنٹ سیکرٹری گلزار خان، فنانس سیکرٹری احتشام خان اورگورننگ باڈی کے دیگر نومنتخب عہدیداروں کیلئے نیک خواہشات کا اظہار کیا ہے۔انھوں نے امید ظاہر کی کہ پشاور پریس کلب کی نئی کابینہ صحافیوں کی فلاح و بہبود، آزادی صحافت اور صحافتی اصولوں کی پاسداری سمیت اس کے فروغ کے لیے اپنا فعال کردار ادا کرے گی۔انہوں نے کہا کہ صحافت کسی بھی ریاست کے چوتھے ستون کی مانند ہوتا ہے اور امید ہے کہ پشاور پریس کلب کی نو منتخب کابینہ کے عہدیدار صحافتی خدمات کے ذریعے ملک کی ترقی اور عوامی مسائل اجاگر کرنے میں اپنی ذمہ داریوں کو احسن انداز میں ادا کرکے معاشرے کی اصلاح کیلئے اپنا بھر پور کردار ادا کریں گے۔