خیبر پختونخوا کے زرعی شعبے میں انقلابی اقدامات، کسانوں کے مسائل کے فوری حل کی ہدایت

خیبر پختونخوا کے وزیر زراعت میجر (ر) سجاد بارکوال نے محکمہ زراعت ڈیرہ اسماعیل خان کیدفتر دورے کے موقع پر تمام افسران کو ہدایت کی ہے کہ وہ کسانوں کے مسائل کو ترجیحی بنیادوں پر حل کریں اور ان کے ساتھ مکمل تعاون یقینی بنائیں۔صوبائی وزیر زراعت نے محکمہ زراعت توسیع ڈیرہ اسماعیل خان میں اجلاس کی صدارت کی، جہاں انہیں محکمے کے افسران کی جانب سے تفصیلی بریفنگ دی گئی اجلاس میں تحصیل مئیر عمر امین, ڈیرہ اسماعیل خان، ٹانک اپر اور لوئر وزیرستان کے زرعی محکمہ افسران بھی موجود تھے اس موقع پر انہوں نے کہا کہ محکمہ زراعت کا اصل مقصد کسانوں کی ہر ممکن مدد، زرعی پیداوار میں اضافہ اور فوڈ سیکیورٹی کو یقینی بنانا ہے۔وزیر زراعت نے کہا کہ وزیراعلیٰ خیبر پختونخوا علی امین خان گنڈا پور کی قیادت میں زرعی شعبے میں انقلابی اقدامات کی منصوبہ بندی کی گئی ہے اور بجٹ میں زرعی شعبے کیلیے خطیر رقم مختص کی گئی ہے اس حوالے سے محکمہ زراعت کے افسران کے ساتھ مشاورت مکمل کی جا چکی ہے تاکہ ان اقدامات پر موثر عمل درآمد یقینی بنایا جا سکے۔انہوں نے زرعی افسران پر زور دیا کہ وہ زمینی پیداوار بڑھانے کے لیے تمام تر توانائیاں بروئے کار لائیں تاکہ صوبے میں زرعی خودکفالت کے اہداف حاصل کیے جا سکیں۔ وزیر زراعت نے کہا کہ صوبائی حکومت زمینداروں کے مسائل کو حل کرنیکے لیے ہر سطح پر اقدامات کر رہی ہے انہوں نے ضلعی افسران کو مذید ہدایت جاری کی کہ کوآرڈینشن کمیٹی کے اجلاس ماہانہ کی بنیاد پر ضرور منعقد کئے جائیں تاکہ زمینداروں کے مسائل کے حل کے ساتھ ساتھ فصلی پیداوار میں خاطرخواہ اضافہ بھی ممکن ہوسکے انہوں نے تمام ضلعی افسران کو حاضری یقینی بنانے کی سختی سے ہدایت کی اور کہاکہ اس ضمن میں کسی کے ساتھ کوئی نرمی نہیں برتی جائیگی اور غفلت برتنے والوں کے خلاف کارروئی عمل میں لائی جائیگی انہوں نے کہا کہ صوبائی حکومٹ بنجر زمینوں کو قابل کاشت بنانے کیلیے اہم منصوبہ شروع کررہی ہے جبکہ انہوں نے منافع بخش فصلوں ترویج اور باغبانی کے شعبے پر زور دیا۔ صوبائی وزیر نیڈیرہ اسماعیل خان میں زرعی کمپلیکس بنانے کیلیے 3ہزار ایکڑ زمین خریدنے کی بھی ہدایت کی۔