ڈی ایم او پشاور آر ٹی ایس کمیشن تاشفین اسرار کی پشاور پریس کلب صدر ایم ریاض سے ملاقات۔

رائیٹ ٹو سروسز (آر ٹی ایس) کمیشن کے ڈسٹرکٹ مانیٹرنگ افسر تاشفین اسرار نے پشاور پریس کلب کے صدر ایم ریاض سے ملاقات کی۔ ملاقات میں آر ٹی ایس کمیشن خیبرپختونخوا اور آر ٹی ایس ایکٹ 2014 پر تبادلہ خیال کیا گیا۔ ڈی ایم او پشاور نے صدر اور پریس کلب کے عہدیداروں کو آر ٹی ایس کمیشن کی خدمات کے بارے میں تفصیل سے آگاہ کیا۔پشاور پریس کلب کے صدر ایم ریاض نے عوام کی خدمات تک بروقت رسائی میں آر ٹی ایس کمیشن کی اہمیت اور کاوشوں کو سراہا اور اس امر پر زور دیا کہ کمیشن سے بہتر انداز میں استفادہ کے لئے آر ٹی ایس کمیشن سے متعلق عوام میں زیادہ سے زیادہ آگاہی دی جائے اور اس ضمن میں میڈیا کا کردار بہت اہم ہے۔ انہوں نے کہا کہ صحافیوں کو آر ٹی ایس مطلع شدہ خدمات کے بارے میں آگاہ کرنے کے لئے ایک مکمل اوریئنٹیشن اور آگاہی سیشن کا اہتمام کیا جائے۔ڈی ایم او تاشفین اسرار نے اس تجویز کا خیر مقدم کیا اور یقین دلایا کہ جلد ہی صحافیوں کو آر ٹی ایس مطلع شدہ خدمات اور ان کے کردار کے بارے میں آگاہ کرنے کے لئے ایک سیشن کا اہتمام کیا جائے گا تاکہ شفافیت اور ذمہ داری کو فروغ دیا جا سکے۔اس موقع پر عوام کی خدمات تک بروقت رسائی، گڈ گورننس اور شفافیت کو فروغ دینے کے لئے آر ٹی ایس کمیشن اور میڈیا کے درمیان تعاون اور قریبی رابطے پر اتفاق کا اظہار کیا گیا۔