مولوی امیر شاہ میموریل ہسپتال پشاور میں نیوٹریشن سٹیبلائزیشن سنٹر کا افتتاح

ڈائریکٹر جنرل ہیلتھ سروسز خیبرپختونخوا ڈاکٹر شوکت علی نے پاکستان میں ڈبلیو ایچ او کے نمائندہ ڈاکٹر پالیتھا مہیپالا کے ہمراہ بدھ کے روز پشاور کے مولوی امیر شاہ میموریل ہسپتال میں نیوٹریشن سٹیبلائزیشن سنٹر کا افتتاح کیا۔ نیوٹریشن اسٹیبلائزیشن سنٹر ورلڈ ہیلتھ آرگنائزیشن (ڈبلیو ایچ او) کے تعاون سے قائم کیا گیا ہے اور یہ پیچیدگیوں میں مبتلا شدید غذائی قلت کے شکار بچوں کو خصوصی علاج فراہم کرنے میں اہم کردار ادا کرے گا۔ جدید ترین سہولیات سے آراستہ، سنٹر میں بچوں کی بہترین دیکھ بھال کو یقینی بنانے کے لیے ایک کھیل کی جہگہ، دودھ پلانے کا انتظام کرنے کا کمرہ، اور ایک اچھی طرح سے آراستہ وارڈ موجود ہے۔ افتتاحی تقریب کے دوران، پاکستان میں ڈبلیو ایچ او کی نمائندہ ڈاکٹر پالیتھا مہیپالا نے ضروری ادویات اور سازوسامان خیبر پختونخوا حکومت کے حوالے کیا، جو کہ خوراک کی کمی سے نمٹنے کے لیے ڈبلیو ایچ او اور مقامی حکام کے مشترکہ مشن میں مضبوط شراکت داری کی نشاندہی کرتا ہے۔ ڈاکٹر شوکت علی، ڈائریکٹر جنرل ہیلتھ سروسز خیبرپختونخوا نے غذائی قلت سے متعلق چیلنجوں سے نمٹنے کے لیے عالمی ادارہ صحت کے اقدام اور لگن کو سراہا۔ انہوں نے خطے میں غذائی قلت کے شکار بچوں کو اعلیٰ معیار کی دیکھ بھال فراہم کرنے کے لیے اپنے غیر متزلزل عزم کا عہد کیا۔