پشاور ڈویلپمنٹ اتھارٹی کے ملازمین کی ریگولیشن بھی جلد ہو جائے گی۔نگران صوبائی وزیر بلدیات

خیبر پختونخوا کے نگران وزیر بلدیات،الیکشن ودیہی ترقی ساول نذیر خان ایڈووکیٹ نے کہا ہے کہ لوکل گورنمنٹ کے نان صوبائی یونی فائیڈ گروپ آف فنکشنری ملازمین کا 43سال کا دیرینہ مسلہ حل کرتے ہوئے ان کے لیے سروس سٹرکچر بنا دیا گیاہے جس سے صوبے کے ملازمین میں پائی جانے والی بے چینی ختم ہو گئی ہے اور انشاء اللہ اب وہ مزید دلجمعی سے اپنے فرائض سر انجام دینگے۔ان خیالات کا اظہار انھوں نے لوکل گورنمنٹ ایمپلائز فیڈریشن کی جانب سے منعقدہ تقریب سے خطاب کرتے ہوئے کیا جس میں خیبر پختونخوا کے تمام لوکل گورنمنٹ ایمپلائز فیڈریشن کے عہدیداران اور دیگر متعلقہ افسران بھی موجود تھے۔ انھوں نے کہا کہ پشاور ڈویلپمنٹ اتھارٹی کے ملازمین کی ریگولیشن بھی جلد ہو جائے گی جبکہ یو ڈی اے کے ملازمین کی سروس سٹرکچر پر بھی شیڈول کے مطابق بدھ کے روز اجلاس ہوگا اسی طرح بلدیاتی انتخابات کے ذریعے منتخب ہونے والوں کے اختیارات اور فنڈز جیسے مسائل بھی درپیش ہیں اس لئے باقاعدہ طور رولز آف بزنس سے ان کو درپیش مالی امور اور معاملات کا حل نکالا جا ئیگا اس موقع پر انہوں نے تحصیل میونسپل آفیسر اور اسسٹنٹ ڈائیریکٹر بلدیات کو ہدایت دی کہ شجرکاری مہم میں بڑھ چڑھ کر حصہ لیں اور زیادہ سے زیادہ پودے لگائیں اس موقع پر لوکل گورنمنٹ ایمپلائز فیڈریشن کے عہدیداران نے وزیر بلدیات کا ا اس دیرینہ مسلے کے حل میں سنجیدہ کوششیں کرنے پر ان کا شکریہ ادا۔