کھیل کود جیسی صحت مندانہ سرگرمیوں میں حصہ لینا زندہ قوموں کی نشانی ہے، نگران صوبائی وزیر کھیل

خیبر پختونخوا کے نگران وزیر برائے کھیل،امور نوجوانان،سائنس و ٹیکنالوجی اور انفارمیشن ٹیکنالوجی ڈاکٹر نجیب اللہ نے کہا ہے کہ کھیل کود جیسی صحت مندانہ سرگرمیوں میں حصہ لینا زندہ قوموں کی نشانی ہے،کھیلوں میں بطور ٹیم شامل ہونا ٹیم ورک کے ذریعے بڑی کامیابی کے حصول کیلئے تجربات اور لیڈرشپ کوالٹی کے حصول کا ذریعہ ہوتا ہے جسکا حصول ٹیم ورک کے بغیر ممکن نہیں،ان خیالات کا اظہار انھوں نے پیر کے روز ایگریکلچر یونیورسٹی پشاور میں گرینڈ سپورٹس گالا کی افتتاحی تقریب میں بطور گیسٹ آف آنر شرکت کرنے کے موقع پر اظہار خیال کرتے ہوئے کیا،تقریب کے مہمان خصوصی خیبر پختونخوا کے گورنر اور چانسلر حاجی غلام علی تھے جبکہ نگران صوبائی وزیر برائے اعلی اور ثانوی اور ابتدائی تعلیم پروفیسر ڈاکٹر قاسم جان، یونیورسٹی کے وائس چانسلر،مختف تدریسی شعبوں کے ڈین اور دیگر سربراہان اساتذہ،طلبا نے ایونٹ میں شرکت کی،تقریب سے خطاب کے دوران نگران وزیر نے کہا کہ مختلف کھیلوں میں اپنی صلاحیتوں کا لوہا منوانے والے چمکتے ستارے بیرونی دنیا میں ہمارے برانڈ ایمبیسیڈر ہیں جو پوری دنیا کو ہمارا مثبت چہرہ پیش کررہے ہیں، انھوں نے اس موقع پر کہا کہ بطور وزیر وہ نوجوانوں کی فلاح وبہبود کیلئے 5 جہتی پروگرام شروع کررہے ہیں جس میں سائنس پریکٹیلز،انٹرپرینیورشپ،کیرئیر رہنمائی،سکل ڈویلپمنٹ اور آئی ٹی سکل پر توجہ دی جائے گی۔نگران وزیر کا مزید کہنا تھا کہ نوجوان اس ملک کا قیمتی اثاثہ ہیں اور وہ اس قوم کیلئے وہ سرگرمیاں سر انجام دیں جن پر قوم،والدین اور معاشرہ ان پر فخر محسوس کرے۔اس موقع پر ایونٹ کے انعقاد کے انتظام پر انھوں نے پاک فوج کا شکریہ ادا کیا،