نگران وزیر کے رہائی پلوسئی اور تہکال پایاں سپورٹس کمپلیکس کی ترقی کے لئے اقدامات کا حکم

خیبر پختونخوا کے نگران وزیر کھیل امور نوجوانان سائنس و انفارمیشن ٹیکنالوجی ڈاکٹر نجیب اللہ مروت سے سابق ممبر صوبائی اسمبلی یاسین خان خلیل کی قیادت میں تہکال پایاں اور پلوسئی پشاور کے مشران نے پشار میں ملاقات کی اس موقع پر سیکرٹری سپورٹس حمیداللہ خٹک، ڈپٹی سیکرٹری سپورٹس اور ضلعی انتظامیہ کے افسران بھی موجود تھے وفد نے نگران صوبائی وزیر کھیل کو تہکال پایاں اور پلوسئی میں سپورٹس کمپلیکس کیلیے اراضی کی حد بندی، زمین مالکان کو فنڈز کی ادائیگی سمیت دیگر مسائل سے تفصیلی طور پر آگاہ کیا۔ دونوں علاقوں کے مشران پر مشتمل وفد نے نگران صوبائی وزیر کو بتایا کہ تہکال پایاں اور پلوسئی میں سپورٹس کمپلیکس کی قیام کیلئے پچھلے دو سالوں سے صوبائی حکومت کی طرف سے ترقیاتی کام میں کوئی پیش رفت نہیں ہوئی ہے اور دونوں سپورٹس کمپلیکس تاخیر کا شکار ہیں۔ انہوں نے نگران صوبائی وزیر کھیل سے مطالبہ کیا کہ تہکال پایاں اور پلوسئی سپورٹس کمپلیکس کے قیام میں حائل تمام رکاوٹوں اور مسائل کو جلد حل کرنے کے احکامات جاری کرکے دونوں سپورٹس کمپلیکس پر فوراً کام کا آغاز کیا جائے نگران صوبائی وزیر ڈاکٹر نجیب اللہ مروت نے وفد کے مسائل سننے کے بعد محکمہ کھیل کے متعلقہ حکام کو ہدایت جاری کی کہ صوبے میں کھیلوں سے متعلق مسائل حل کرنے کیلئے تشکیل کردہ کمیٹی کے اراکین جمعہ کے روز پلوسئی اور تہکال پایاں سپورٹس کمپلیکس کا دورہ کرکے فیزیبیلٹی بنائیں انہوں نے دونوں علاقوں کے مشران کو بھی ہدایت کی کہ سپورٹس کمیٹی کے ممبران سے تعاون اور تمام مسائل کو باہمی مشاورت سے حل کرنے کیلئے ایک کمیٹی بنائیں انہوں نے نگران حکومت میں عوام کی فلاح اور بھلائی کیلئے زیادہ سے زیادہ اقدامات اٹھانے کی خواہش ظاہر کی اور کہا کہ حقدار کو حق ملنا چاہئے انہوں نے سپورٹس کمیٹی کے اراکین کو مزید ہدایت کی کہ پلوسئی اور تہکال پایاں سپورٹس کمپلیکس کی جگہ کا دورہ کرنے کے بعد جلد ان کو مکمل رپورٹ پیش کریں۔