خیبر پختونخوا کے وزیر بلدیات ارشد ایوب خان نے جمعرات کے روز پشاور ڈیویلپمنٹ اتھارٹی ہیڈ آفس حیات آباد کا دورہ کیا، وہاں مختلف سیکشنزکا معائنہ کیا اور عملے کی موجودگی کا جائزہ لیا

خیبر پختونخوا کے وزیر بلدیات ارشد ایوب خان نے جمعرات کے روز پشاور ڈیویلپمنٹ اتھارٹی ہیڈ آفس حیات آباد کا دورہ کیا، وہاں مختلف سیکشنزکا معائنہ کیا اور عملے کی موجودگی کا جائزہ لیا۔بعد ازاں ڈائریکٹر جنرل پشاور ڈیویلپمنٹ اتھارٹی کے ہمراہ ریگی ماڈل ٹاؤن گئے جہاں پرصوبائی وزیر کو 50 کنال کی زمین پہ ہائی رائز ملٹی پرپز کمپلیکس بنانے کے منصوبے کے حوالے سے آگاہ کرتے ہوئے ڈائریکٹر جنرل پشاور ڈیویلپمنٹ اتھارٹی نے بتایا کہ اب تک سات سے اٹھ کاروباری لوگوں نے یہاں پر اپنا انٹرسٹ دیکھایا ہے جس پہ کام جاری ہے، انہوں نے کہا کہ یہاں ملٹی پرپز بلڈنگ بنائی جائے گی جہاں پہ نیشنل انٹرنیشنل برینڈز کو لایا جائے گا اس پر کام جاری ہے۔ صوبائی وزیر نے اظہار خیال کرتے ہوئے کہا کہ اس علاقے کے نو جوانوں کو بہتر ہم نصابی سہلولتوں کی فرہاہمی کے لئے بھی اقدامات اٹھائے جائیں گے جہاں پر انڈور شوٹنگ کلب اور ہارس رائٹنگ کلب بھی ہوگا،انہوں نے کہا کہ ان تمام منصوبوں سے صوبائی حکومت کو آمدن حاصل ہو گی جس سے معاشی طور پر فائدہ اٹھا سکیں گے اور یہ تمام منصوبے پبلک پرائیویٹ پارٹنرشپ کے تحت ہوں گے،جن سے خزانے پر بوجھ نہیں پڑے گا بلکہ صوبے میں مزید پیسہ اور سرمایہ کاری آئے گی۔