خیبر پختونخوا انڈر 23 انٹر ریجنل گیمز کے سلسلے میں ڈائریکٹوریٹ آف سپورٹس خیبرپختونخواء کے زیرہتمام صوبے کے مختلف اضلاع میں جاری کھیلوں کے سلسلے میں پشاورنے سکوائش ایونٹ اپنے نام کرلیا

خیبر پختونخوا انڈر 23 انٹر ریجنل گیمز کے سلسلے میں ڈائریکٹوریٹ آف سپورٹس خیبرپختونخواء کے زیرہتمام صوبے کے مختلف اضلاع میں جاری کھیلوں کے سلسلے میں پشاورنے سکوائش ایونٹ اپنے نام کرلیا اور فائنل میں پشاورنے ہزارہ کوتین دوسے شکست دی۔پشاورکی طرف سے خوشحال ریاض نے ہزاہ کے وجیہہ اللہ کو تین دو سے ہرایا اوررزلٹ گیارہ سات،گیارہ آٹھ،سات گیارہ اورسات گیارہ رہاجبکہ آذان نے شملان کوگیارہ چھ،گیارہ چار،گیارہ تیرہ اورگیارہ نوسے ہرادیا۔کراٹے کے مقابلے میں پشاورکے کھلاڑی نے برتری حاصل کرلی۔ حیات آباد سپورٹس کمپلیکس میں کھیلے گئے کراٹے ایونٹ میں گذشتہ روزکے نتائج کے مطابق 50کلوگرام وزن کے مقابلے میں پشاورکے ایم سلمان نے سونے بنوں کے زاہد اللہ نے چاندی جبکہ کوہاٹ کے محمدسلیمان اورمردان کے مبین ملک نے کانسی کے تمغے جیتے۔55کلوگرام مقابلے میں پشاورکے ایم ابرار پہلے،بنوں کے روخان دوسرے،ملاکنڈ کے صابر خان اورمردان کے عبداللہ نے کانسی کاتمغہ حاصل کیا۔60kg میں پشاورکے شہاب الدین سو نے کاتمغہ جیتنے میں کامیاب رہے۔اس ایونٹ میں ہزارہ کے مدثر نے دوسری جبکہ کوہاٹ کے عامر حمزہ اورپشاورکے عبداللہ کانسی کاتمغہ لے سکے۔67کلوگرام مقابلے میں پشاورکے بلال اول،ہزارہ کے احمد علی دوئم رہے جبکہ کانسی کے تمغے ملاکنڈ کے اسدا للہ اورکوہاٹ کے احدالرحمن نے جیتے۔75کلوگرام مقابلے میں ملاکنڈکے ارشد نے سونے جبکہ مردان کے ایم سلمان نے چاندی کاتمغہ جیتا۔84کلوگرام مقابلے کے فائنل میں پشاورکے راحد خان نے کوہاٹ کے مصباح اللہ کو شکست دی۔90کلوگرام کاایونٹ بنوں کے عدنان اورانفرادی مقابلوں کا میدان ہزارہ کے شیرقادرعلی نے جیتا۔کوہاٹ کے حارث حبیب دوسرے، پشاورکے احتشا م تیسرے نمبر پر رہے جبکہ مردان کے حامد کانسی کاتمغہ جیتنے میں کامیاب رہے۔دیگر کھیلوں کے نتائج کے مطابق بیڈمنٹن ایونٹ میں میزبان پشاور،سوات،مردان اوربنوں نے سیمی فائنل کے لیے کوالیفائی کرلیا۔پہلے کوآرٹرفائنل میں پشاور۔سوات نے ڈی آئی خان مردان نے ہزارہ اوربنوں نے کوہاٹ کے خلاف کامیابی حاصل کی۔حیات آبا دکرکٹ سٹیڈیم میں جاری کرکٹ کے پہلے سیمی فائنل میں مردان نے پشاورکو شکست دیکر فائنل کیلئے کوالیفائی کرلیا۔اس موقع پرڈائریکٹرسپورٹس حیات آباد سپورٹس کمپلیکس نعمت اللہ مروت مہمان خصوصی تھے جبکہ ڈپٹی ڈائریکڑاپریشنل جمشید بلوچ اورڈائریکٹراپریشنل عزیز اللہ بھی موجودتھے۔