وزیر صحت سید قاسم علی شاہ نے پختونخوا میں نریش ماں مہم کا افتتاح کردیا ہے، نریش ماں کمپین صوبے کے تین اضلاع، ڈی آئی خان، مردان اور بٹگرام میں بچے پیدا کرنے والی ماوئں کی غذائی ضروریات کو پورا کرنے پر کام کریگی: وزیر صحت سید قاسم علی شاہ کا افتتاحی تقریب سے خطاب

وزیر صحت سید قاسم علی شاہ نے پختونخوا میں نریش ماں مہم کا افتتاح کردیا ہے۔ اس سلسلے میں منعقدہ افتتاحی تقریب میں وزیر صحت کے علاہ ڈائریکٹر جنرل ہیلتھ سروسز ڈاکٹر محمد سلیم، ایڈیشنل ڈائریکٹر جنرل پبلک ہیلتھ ڈاکٹر شاہد یونس، ڈائریکٹر نیوٹریشن ڈاکٹر فضل مجید، پروگرام مینجر نیوٹریشن انٹرنیشنل امتیاز علی شاہ و دیگر متعلقہ حکام نے شرکت کی۔ وزیر صحت سید قاسم علی شاہ نے افتتاح کے بعد میڈیا نمائندوں سے گفتگو کرتے ہوئے کہا کہ نریش ماں کمپین صوبے کے تین اضلاع، ڈی آئی خان، مردان اور بٹگرام میں بچے پیدان کرنے والی ماوں کی غذائی ضروریات کو پورا کرنے پر کام کرے گی۔ نریش ماں کمپین نیوٹریشن سیل، ڈائریکٹوریٹ جنرل ہیلتھ سروسز اور نیوٹریشن انٹرنیشنل کی باہمی کاوش ہے۔ نریش کمپین کیلئے نیوٹریشن انٹرنیشنل کے تعاون کا مشکور ہوں۔ ماں اور بچے کی صحت، صحت مند معاشرے کی پہلی کڑی ہے۔وزیر صحت کا مزید کہنا تھا کہ حاملہ خواتین کی غذائی ضروریات کو پورا کرنا، ماں اور بچے کی صحت کا ضامن ہے۔ وقتی اور دیرپا غذائی کمی اور عدم توازن بچوں میں سٹنٹنگ اور ویسٹنگ کا باعث بنتے ہیں۔ نیشنل نیوٹریشن سروسے 2018 کے مطابق بچے پیداکرنی والی مائیں غذائیت کی کمی کے باعث مسائل کا شکار ہیں۔ 14% مائیں وزن کی کمی جبکہ 41.7% خون کی کمی کا شکار ہیں۔ان مسائل کو حل کرنے کیلئے حکومت خواتین کی غذائی کمی پر توجہ مرکوز کئے ہوئے ہے۔ آج کی یہ نریش ماں کمپین بھی اسی سلسلے کی کڑی ہے۔میری تمام ڈونر ایجنسیز اور ہیلتھ میں کام کرنے والے پارٹنرز سے التماس ہے کہ آئیں ماں اور بچے کی صحت کی بہتری میں ہمارا ساتھ دیں۔ڈائریکٹر نیوٹریشن ڈاکٹر فضل مجید کا اس موقع پر کہنا تھا کہ اس پروگرام کے تحت ماں اور بچے کی دیکھ بھال بارے ہیلتھ کئیر پروفیسشنلز کی استعداد کار کو بڑھایا جائے گا۔اس بابت ذرائع ابلاغ کے مختلف پہلووں کو بھی بروئے کار لایا جائے گا تاکہ عوام میں اس بابت آگاہی پھیلائی جاسکے۔اس کمپین میں ہیلتھ کئیر پروفیشنلز، ان کے ایسوسی ایشنز اور ابلاغ عامہ تینوں کو حاملہ خواتین کی غذائیت کی اہمیت کی خاطر یکجا کیا گیا ہے