مشیر صحت احتشام علی کو محکمہ صحت کی ڈیجیٹائزیشن بارے آئی ٹی سیل کی بریفنگ

وزیر اعلیٰ خیبر پختونخوا کے مشیر برائے صحت احتشام علی کی سربراہی میں محکمہ صحت کی ڈیجٹائزیشن بارے اجلاس منعقد ہوا۔ اجلاس میں سپیشل سیکرٹری ہیلتھ غفور شاہ، محمد خلیل ڈائریکٹر آئی سی ٹی پاپولیشن کونسل اسلام آباد، انچارج آئی ٹی سیل محکمہ صحت زکی اللہ، اسسٹنٹ ڈائریکٹر آئی ٹی اشفاق احمد، یاسین خان ویب ڈویلپر، اشفاق احمد و دیگر متعلقہ اہلکاروں نے شرکت کی۔ محمد خلیل ڈائریکٹر آئی سی ٹی پاپولیشن کونسل اسلام آباد نے انٹیگریٹڈ ہیلتھ اینڈ پاپولیشن ڈیش بورڈ پر مشیر صحت کو بریفنگ دی۔ مشیر صحت کو بتایا گیا کہ محکمہ صحت کے تمام مینجمنٹ انفارمیشن سسٹمز کو انٹیگریٹ کیا جارہا ہے۔ دوسری جانب انچارج آئی ٹی سیل محکمہ صحت زکی اللہ نے مشیر صحت کو ڈیجٹائزیشن پر مفصل بریفنگ دی۔انہوں نے مشیر صحت کو بریف کیا کہ ایچ آر ریکارڈ کو ڈیجٹائز کردیا گیا ہے۔ ایچ آر ایم آئی ایس سے خالی اور پُر کی گئیں تعیناتیوں کا بروقت پتہ چل سکے گا۔ اسی طرح لیو مینجمنٹ سسٹم کو بھی متعارف کرایا جائے گا۔ ایچ آر ڈیٹا میں ضلع وائز ویریفیکیشن ہونا باقی ہے۔ مشیر صحت نے ہدایات دیں کہ تقرریوں و تعیناتیوں کیلئے آن لائن سسٹم جلد سے جلد فعال کیا جائے۔ آن لائن پوسٹنگ ٹرانسفر سے جعلی نوٹیفیکیشن کا خاتمہ ہوجائے گا۔ آن لائن پوسٹنگ ٹرانسفر سے ہر قسم ای او سیز و نوٹیفیکیشن کی تصدیق ہوسکے گی۔ تمام ڈی ایچ اوز اور ایم ایس اپنا ڈیٹا آن لائن کرنے مختص ایپس اور سسٹمز کا استعمال یقینی بنائیں۔ مہینے کے اندر اندر محکمہ صحت کا سارا ڈیٹا ڈیجٹائز ہونا چاہئے۔ تمام پوسٹنگ ٹرانسفرز آن لائن ہونگیں۔ اسی طرح ایسیٹ مینجمنٹ سسٹم کے تحت لئے گئے ڈیٹا پر مراکز صحت کو فعال بنانے کا کام لیا جائے گا۔ چالیس سے زائد پروگرامز سے ایم آئی ایسز کو انٹی گریٹ کیا جارہا ہے۔