لائیو سٹاک، ماہی پروری و کوآپریٹیو سوسائٹیز کی دو روزہ انٹرنیشنل لائیو سٹاک ایگری فشریز ایکسپو۔ 2024 آج بروز بدھ سے پشاور میں شروع ہورہی ہے

محکمہ لائیو سٹاک خیبر پختونخوا، لائیو سٹاک فارمز ویلفیئر ایسوسی ایشن اورلائیو سٹاک کوآپریٹیو سوسائٹیز کے زیر اہتمام لائیو سٹاک ایکسٹنشن اینڈ ڈیری سروسز کے تعاون سے دوسری سالانہ دوروزہ انٹرنیشنل لائیو سٹاک ایگری،فشریز میگا ایکسپو آج(9 اکتوبر 2024)کو پشاور میں شروع ہو رہی ہے جس کا افتتاح خیبر پختونخوا کے وزیر لائیو سٹاک، فیشریز و کوآپریٹیو سوسائٹیز فضل حکیم خان کریں گے۔ اس دو روزہ میگا ایکسپو کا انعقاد 9 اور 10 اکتوبر 2024 کوخیبر پختونخوا میں کیا گیا ہے۔ ایکسپو سے پیشہ ورانہ طور پر B2B اور B2C نمائش کا اہتمام کرنے والے مینو فیکچررر کی دیرینہ ضروریات بھی پوری ہوں گی اور اسے سمندر پار اور قومی سطح پر آنے والے متعلقہ ماہرین کے لئے پر کشش بنایا جا رہا ہے اسی طرح ایکسپو کے انعقاد کی بدولت معروف بین الاقوامی زرعی اور لائیو سٹاک ٹیکنالوجی کمپنیوں کے ساتھ قومی مفاد کے تحت کاروباری امور طے کرنے میں بھی مدد ملے گی۔ اس کے علاوہ اس نمائش کی بدولت پورے پاکستان میں کاروبار اور سرمایہ کاری کو بھی فروغ ملے گا۔