خیبرپختونخوا کے صوبائی وزیر برائے پبلک ہیلتھ انجینئرنگ پختون یار خان،چیف سیکرٹری ندیم اسلم چوہدری

خیبرپختونخوا کے صوبائی وزیر برائے پبلک ہیلتھ انجینئرنگ پختون یار خان،چیف سیکرٹری ندیم اسلم چوہدری، آئی جی پی اختر حیات خان اور کمشنر بنوں ڈویژن محمد عابد وزیر نے گزشتہ روز پولیس لائن حملے میں شہید پولیس اہلکار محمد سراج کے گھر جا کر فاتحہ خوانی کی اور ان کے بلند درجات کیلئے دعا کی۔اس موقع پر ریجنل پولیس آفیسر عمران شاہد، ڈپٹی کمشنر بنوں عبدالحمید خان اور ڈی پی او ضیاء الدین احمد بھی موجود تھے۔شہید کے لواحقین سے اظہار تعزیت کرتے ہوئے صوبائی وزیر اور چیف سیکریٹری خیبرپختونخوا نے کہا کہ شہادت کا انتہائی بلند مرتبہ ہے۔اور شہداء نے بہادری سے خارجیوں کے مقاصد ناکام بنائے.شہید پولیس اہلکاروں نے وطن عزیر میں امن قائم رکھنے کی خاطر جو قربانیاں دیں ہیں انہیں ہمیشہ یاد رکھا جائے گا۔شہداء کے خاندانوں کے ساتھ انتہائی دلی ہمدردی ہے۔ جس کا اظہار الفاظ میں ممکن نہیں. انہوں نے کہا کہ پوری قوم شہداء کے خاندانوں کے جذبے کو سلام پیش کرتی ہے جنہوں نے جان کا نذرانہ پیش کرکے بنوں کو بڑی تباہی سے بچایا۔ انہوں نے کہا کہ شہداء کے بچوں اور ورثاء کی ہر ممکن مدد کی جائے گی اور بنوں ڈویژن میں امن کے قیام کے لئے تمام دستیاب وسائل بروئے کار لائے جائینگے