خیبر پختونخوا کے وزیر برائے اعلیٰ تعلیم میناخان آفریدی نے آل کالجز درجہ چہارم ایسوسی ایشن خیبر پختونخوا کی تقریب حلف برداری

خیبر پختونخوا کے وزیر برائے اعلیٰ تعلیم میناخان آفریدی نے آل کالجز درجہ چہارم ایسوسی ایشن خیبر پختونخوا کی تقریب حلف برداری میں بطور مہمان خصوصی شرکت کی، گورنمنٹ سپرئیر سائنس کالج پشاور میں منعقدہ تقریب میں صوبائی وزیر کی آمد پر کالج کے پرنسپل اسماعیل و دیگر نے شاندار استقبال کیا اور پھولوں کا گلدستہ پیش کیا،صوبائی وزیر نے ایسوسی ایشن کے نئے منتخب صدر اور انکی پوری کابینہ اراکین سے حلف لیا، مبارکباد دی اور نیک خواہشات کا اظہار کیا۔حلف برداری تقریب میں ڈائریکٹر محکمہ اعلیٰ تعلیم فریداللہ شاہ، ڈپٹی ڈائریکٹر سپورٹس محمد عمران، آل کالجز کلرک ایسوسی ایشن کے صدر انجینئر اسرار اللہ خان ودیگر نے کثیر تعداد میں شرکت ایسوسی ایشن کے منتخب صدر نے صوبائی وزیر کو درجہ چہارم کے مسائل سے آگاہ کیا اور مطالبہ کیا کہ درجہ چہارم ملازمین کے مسائل کو حل کرنے میں اپنا کردار ادا کریں، حلف برداری تقریب سے خطاب کرتے ہوئے صوبائی وزیر نے یقین دلایا کہ کالجز کے درجہ چہارم ملازمین کے جائز مسائل کو فوری حل کرنے کیلئے عملی اقدامات اٹھائینگے، انہوں نے کہا کہ محکمہ اعلیٰ تعلیم میں جہاں پر جو بھی مسئلہ ہو انکو قانون اور رولز کے مطابق حل کرینگے درچہ چہارم ملازمین کے جائز مسائل کو سنجیدگی کے ساتھ حل کرنے کیلیے کوشاں ہیں، انہوں نے کہا کہ کالجز کے درجہ چہارم ملازمین کی اپگریڈیشن اور پرموشن کے مسائل کے حل کیلیے ایک وفد میرے دفترآجائے تاکہ محکمہ کے سیکرٹری اور دیگر افسران کی موجودگی میں مسئلہ کو قانون کے دائرے میں رہتے ہوئے حل کرسکیں، انہوں نے مزید کہا کہ درجہ چہارم ملازمین اپنی ذمہ داریاں باطریقے احسن نبھائیں اور جو جس کام کیلیے بھرتی ہو ا ہے وہ اپنے اُس کام میں دلچسپی لے اور بھرپور طریقے سے خدمات انجام دے۔