معاون خصوصی برائے جنگلی حیات پیر مصور خان کا اورکزئی وائلڈ لائف ڈویژن کے ہیڈ واچر قیصر شاہ کی کار حادثے میں وفات پر اظہارِ افسوس

وزیراعلی خیبرپختونخوا کے معاون خصوصی برائے جنگلی حیات، جنگلات،ماحولیات، و موسمیاتی تبدیلی پیر مصور خان نے اورکزئی وائلڈ لائف ڈویژن کے ہیڈ واچر قیصر شاہ کی ایک کار حادثے میں وفات پر گہرے رنج و غم کا اظہار کرتے ہوئے مرحوم کے بلند درجات کے لیے دعا کی ہے یہاں سے جاری ایک تعزیتی بیان میں معاون خصوصی نے مرحوم کے لواحقین سے دلی ہمدردی کا اظہار کرتے ہوئے کہا کہ دکھ کی اس گھڑی میں وہ غمزدہ خاندان کے غم میں برابر کے شریک ہیں، انھوں نے دعا کی کہ اللہ تعالیٰ مرحوم کو جنت الفردوس میں اعلی مقام جبکہ لواحقین کو یہ ناقابل تلافی نقصان صبرو استقامت سے برداشت کرنے کی توفیق عطا فرمائے۔