ایڈیشنل ڈپٹی کمشنر اپر کوہستان محمد اظہر خان نے محکمہ زراعت ایکسٹینشن داسو کے ڈسٹرکٹ آفیسر امجد کے ہمراہ شجرکاری مہم میں شرکت کرتے ہوئے آفیسرز کالونی داسو کے مختلف مقامات پر پودے لگائے

ایڈیشنل ڈپٹی کمشنر اپر کوہستان محمد اظہر خان نے محکمہ زراعت ایکسٹینشن داسو کے ڈسٹرکٹ آفیسر امجد کے ہمراہ شجرکاری مہم میں شرکت کرتے ہوئے آفیسرز کالونی داسو کے مختلف مقامات پر پودے لگائے۔اس موقع پر ایڈیشنل ڈپٹی کمشنر نے کہا کہ درخت لگانا قومی فریضہ اور صدقہ? جاریہ ہے، جو نہ صرف ماحولیاتی آلودگی میں کمی کا باعث بنتا ہے بلکہ آئندہ نسلوں کے لیے صاف اور صحت مند ماحول کی فراہمی میں بھی اہم کردار ادا کرتا ہے۔انہوں نے بتایا کہ شجرکاری مہم کے پہلے مرحلے میں سفیدہ اور کیکر کے پودے کامیابی سے لگائے جا چکے ہیں، جبکہ دوسرے مرحلے میں مختلف پھل دار پودے لگائے گئے جن میں خوبانی، امرود، اخروٹ، ناشپاتی، مالٹا، چیری، جاپانی پھل (املوک) اور سیب شامل ہیں۔ایڈیشنل ڈپٹی کمشنر نے متعلقہ اہلکاروں کو ہدایت کی کہ لگائے گئے پودوں کی باقاعدہ دیکھ بھال اور حفاظت کو یقینی بنایا جائے تاکہ شجرکاری مہم کے مثبت اور دیرپا نتائج حاصل کیے