محکمہ توانائی میں کھلی کچہری،عوامی مسائل کے حل کے لئے موقع پر احکامات جا ری محکمے اورذیلی اداروں میں درپیش عوامی مسائل کی سماعت،عوام الناس کی جانب سے دلچسپی کا اظہار

خیبرپختونخواحکومت کے احکامات کی روشنی میں سرکاری اداروں کے انتظامی امورمیں شفافیت لانے اورعوامی مسائل کے فوری حل کیلئے Good Governance Road Mapکی جاری پالیسی کے تحت محکمہ توانائی وبرقیات خیبرپختونخوانے دوسری آن لائن (براہ راست)ای کھلی کچہری کا انعقادکیاجس میں عوام الناس نے بڑھ چڑھ کرحصہ لیتے ہوئے اپنے مسائل پیش کئے جن کے فوری حل کے لئے موقع پرہد ایات جاری کی گئیں۔ سیکرٹری محکمہ توانائی وبرقیات نثاراحمدکی زیرصدارت براہ راست ای کھلی کچہری میں محکمے کے جملہ افسران سپیشل سیکرٹری حبیب اللہ عارف،ایڈیشنل سیکرٹریزانورخان شیرانی اورنورولی خان کے علاوہ ذیلی اداروں PEDO،KPOGCL،الیکٹرک انسپکٹریٹ اورKPٹرانسمیشن اینڈگرڈسسٹم کمپنی کے سربراہوں،جملہ افسران اورپراجیکٹ ڈائریکٹرز نے شرکت کی۔ای کھلی کچہری میں صوبے کے مختلف اضلاع سے 55افراد نے محکمہ توانائی وبرقیات اوراسکے تمام ذیلی اداروں سے جڑے درپیش مسائل پرکھل کرگفتگو کی اورعوام الناس کی طرف سے صوبائی حکومت کے ای کھلی کچہری کے انعقادکوشفافیت اورمیرٹ کا ایک انقلابی اقدام قراردیا۔ آن لائن فیس بک پربراہ راسٹ ٹیلی فون پر موصولہ کالز کے ذریعے عوامی مسائل کوغورسے سناگیااورموقع پر موجود افسران وحکام کو انکے مسائل فوری طورپرحل کرنے کے احکامات جاری کئے گئے۔ 2گھنٹوں کے دورانئے پرمشتمل ای کھلی کچہری کے آخرمیں سیکرٹری توانائی وبرقیات نثاراحمد نے عوام الناس کویقین دلایاکہ موجودہ حکومت کی عوام دوست پالیسی کے تحت عوامی مسائل کو ای کھلی کچہری کے ذریعے موقع پر حل کرنے کی کوشش کی جائے گی۔ انہوں نے ای کھلی کچہری کو موجودہ صوبائی حکومت کا ایک انقلابی اقدام قراردیتے ہوئے امید کا اظہارکیا کہ ای کھلی کچہری سے عوام اوراداروں کے درمیان فاصلے کم ہونگے اورعوام الناس حکومتی اقدامات کو میرٹ وشفافیت سے مانیٹرکرسکیں گے۔ انہوں تمام افسران کو ہدایت کی کہ وہ کھلی کچہری میں پیش کردہ عوامی مسائل کوفوری طورپر حل کرنے کے لئے اقدامات اٹھائیں اورعملدرآمد کی رپورٹ جلد پیش کی جائے۔