تھانہ ایکسائز مردان ریجن کی غیر قانونی اور مضرِ صحت ادویات کے خلاف بڑی کارروائی، بھاری تعداد میں غیر قانونی اورمضر صحت گولیاں برآمد

تھانہ ایکسائز مردان ریجن کی غیر قانونی اور مضرِ صحت ادویات کے خلاف بڑی کارروائی، بھاری تعداد میں غیر قانونی اورمضر صحت گولیاں برآمد، صوبائی حکومت کی زیروٹالرنس پالیسی اور وزیر ایکسائز و ٹیکسیشن اور نارکوٹکس کنٹرول سید فخرجہان کی ہدایات پر منشیات کے خلاف روزانہ کی بنیاد پر جاری کامیاب کاروائیوں کیساتھ ساتھ محکمہ ایکسائز کے افسران و اہلکار الیگل اسپکٹرم میں دوسرے اداروں کے ساتھ باہمی تعاون کے ساتھ ہمہ وقت عوامی خدمت میں کوشاں ہیں۔ اس ضمن میں عماد خان ایس ایچ او تھانہ ایکسائز مردان ریجن نے بمعہ دیگر نفری غیر قانونی اور مضرِ صحت ادویات سمگلنگ کی کوشش ناکام بنادی، اس حوالے سے رشکئی انٹرچینج کے قریب دوران کاروائی آلٹو موٹر کار سے دوران تلاشی بھاری تعداد میں مختلف اقسام کی مضرصحت غیر قانونی اور ممنوعہ گولیاں برآمد کی گئیں، ایک ملزم کو موقع پر گرفتار کر کے مذید تفتیش اور قانونی کاروائی کے لئے برآمد گولیاں اور ملزم ڈرگ ریگولیٹری اتھاڑٹی کے حوالے کر کے مقدمہ درج کر دیا گیا، برآمد شدہ ادویات نہ تو ڈرگ ریگولیٹری اتھارٹی سے منظور شدہ تھیں اور نہ ہی ان کے اجزاء، تیاری، میعاد اور مضر اثرات کے حوالے سے کوئی مستند ریکارڈ موجود تھا۔محکمہ ایکسائز کے مطابق برآمد ممنوعہ گولیوں کے بیشتر ممکنہ نقصانات موجود ہیں۔