وزیر ایکسائز سید فخرجہان کا سینئر صحافی انیلہ شاہین کے انتقال پر گہرے رنج و غم کا اظہار

خیبرپختونخوا کے وزیر ایکسائز، ٹیکسیشن و نارکوٹکس کنٹرول سید فخرجہان نے پشاور کی معروف خاتون سینئر صحافی انیلہ شاہین کے انتقال پر گہرے رنج و غم کا اظہار کیا ہے۔اپنے تعزیتی بیان میں صوبائی وزیر نے کہا کہ نامور صحافی انیلہ شاہین کے انتقال کی خبر سن کر دلی صدمہ ہوا۔ مرحومہ صحافت کے شعبے میں ایک باوقار اور ذمہ دار آواز تھیں اور پیشہ ورانہ خدمات کے ذریعے انہوں نے معاشرے میں مثبت آگاہی کے فروغ میں اہم کردار ادا کیا۔
انہوں نے دعا کی کہ اللہ تعالیٰ مرحومہ کو اپنی جوارِ رحمت میں جگہ عطا فرمائے، جنت الفردوس میں اعلیٰ مقام عطا کرے اور سوگوار خاندان کو یہ ناقابلِ تلافی سانحہ صبر و استقامت سے برداشت کرنے کی توفیق عطا فرمائے ۔