خیبرپختونخوا حکومت کو صحت کے شعبے میں بھی دوسرے صوبوں پر سبقت حاصل ہے رواں مالی سال کے پہلے چار میں صحت کارڈ ریزرو فنڈز کے502.2 ملین روپے عوام پر خرچ کیے گئے۔ مشیر خزانہ خیبرپختونخوا مزمل اسلم

مشیر خزانہ خیبرپختونخوا مزمل اسلم کا صحت کارڈ ریزرو فنڈز استعمال بارے اہم بیان جاری کرتے ہوئے کہا ہے کہ خیبرپختونخوا حکومت کو صحت کے شعبے میں بھی دوسرے صوبوں پر سبقت حاصل ہے۔ رواں مالی سال کے پہلے چار میں صحت کارڈ ریزرو فنڈز کے502.2ملین روپے عوام پر خرچ کیے گئے۔ ان خیالات کا اظہار مشیر خزانہ خیبرپختونخوا مزمل اسلم نے گزشتہ روز اپنے دفتر سے جاری ہونے والے ایک بیان میں کیا۔ مزمل اسلم نے کہا کہ صحت کارڈ ریزرو فنڈز سے مہلک مہنگی بیماریوں کا علاج کیا جاتا ہے اور جولائی سے اکتوبر تک صحت کارڈ ریزرو فنڈز سے کارڈیالوجی سروسز پر 135.3ملین روپے خرچ کیے گئے۔ مشیر خزانہ خیبرپختونخوا نے کہا کہ ریزرو فنڈز سے کینسر کے علاج پر 31.4 ملین روپے کے فنڈز استعمال کیے گئے جبکہ جگر پیوندکاری پر 80.6ملین روپے خرچ کیے گئے۔ مشیر خزانہ خیبرپختونخوا نے کہا کہ جولائی سے اکتوبر تک صحت کارڈ ریزرو فنڈز سے گردے پیوندکاری پر 88 ملین روپے خرچ کیے گئے ان چار ماہ میں کو کلئیر ایمپلانٹ پر 165.5ن روپے خرچ کیے گئے۔ مشیر خزانہ خیبرپختونخوا نے کہا کہ آئی سی یو، ڈائیلسز اور دیگر بیماریوں پر صحت کارڈ ریزرو فنڈز سے1.3ملین روپے خرچ کیے گئے جبکہ پچھلے مالی سال میں بھی صحت کارڈ ریزرو فنڈز کے 824.4ملین روپے خرچ کیے گئے تھے۔ مزمل اسلم نے کہا کہ رواں سال محکمہ خزانہ خیبرپختونخوا نے صحت کارڈ کیلئے9.65 ارب روپے جاری کر چکے ہیں جو ریزرو فنڈز سے الگ ہیں۔