وفاقی حکومت کی چار سالہ کارکردگی جانچنے کیلئے بھی ایک کمیٹی تشکیل دینی چاہیے۔ مشیر خزانہ خیبرپختونخوا مزمل اسلم

مشیر خزانہ خیبرپختونخوا مزمل اسلم نے اہم بیان جاری کرتے ہوئے کہا ہے کہ ‏وفاقی حکومت کے خود گورننس کے مسائل ہیں اور انکو چھ مہینے کا وقت ملا ہے گورننس کی شکار حکومت دوسروں کی کارکردگی کا کیا جائزہ لیں گے۔ ان خیالات کا اظہار مشیر خزانہ خیبرپختونخوا مزمل اسلم نے گزشتہ روز اپنے دفتر سے جاری ہونے والے ایک بیان میں کیا۔ مزمل اسلم نے کہا کہ وزیر اعظم بتائیں اڑان پاکستان پروگرام کہاں گیا اور احسن اقبال بتائیں ان کی وزارت کے منصوبوں کی کیا صورتحال ہے؟ وفاقی وزارت منصوبہ بندی و ترقیات نے کتنا بجٹ پہلے چھ ماہ میں جاری کیا اور 2022 سے اب تک کتنے منصوبے مکمل کئے؟ مشیر خزانہ خیبرپختونخوا نے کہا کہ احسن اقبال بتائیں 2022 سے اب تک سی پیک میں کیا پیش رفت ہے اور وزیر اعظم بتائیں 2022 سے 2025 تک 35,000 ارب کا قرضہ لیا اس سے کتنے ترقیاتی منصوبے مکمل کئے؟ انہوں نے کہا کہ وزیراعظم بتائیں ملک میں 21 سالہ بلند ترین بے روزگاری کیوں ہے اور حکومت بتائیں 45 فیصد لوگ غربت کی لکیر کے نیچے کیسے پہنچے ان تمام سوالات کے نتیجے میں سب سے پہلے ایک کمیٹی وفاقی حکومت کی چار سالہ کارکردگی پر بنی چاہیے