عوامی کی خدمات مشن ہے، سوات میں بڑے ترقیاتی منصوبے قابل تحسین ہیں، ڈاکٹر امجد علی

خیبرپختونخوا کے وزیر ہاؤسنگ ڈاکٹر امجدعلی نے کہا ہے کہ سوات میں عملی ترقی کے لیے اقدامات اٹھا رہے ہیں، عوامی کی خدمت مشن ہے، سوات میں میگا پراجیکٹس سے عوام مستفید ہو رہے۔ ان خیالات کا اظہار انہوں نے گزشتہ روز پبلک ڈے کے موقع کے موقع پر بریکوٹ سوات میں مختلف علاقوں سے آئے ہوئے وفود سے گفتگو کرتے ہوئے کیا۔ ڈاکٹر امجد علی کا کہنا تھا کہ جو لوگ ترقی پر سوال اٹھا رہے ہیں، وہ آ کر سوات میں ترقی دیکھ لیں۔ صوبائی وزیر کا کہنا تھا کہ علاقے میں چار بڑی یونیورسٹیز، پیڈز ہسپتال، پیراپلیجیک سنٹر، اسکاؤٹ سنٹر اور دیگر عوامی مقامات کے درجنوں منصوبے اس بات کی گواہی دے رہے ہیں کہ صوبائی حکومت صرف نعرے نہیں بلکہ عملی کارکردگی پر یقین رکھتی ہے۔ ڈاکٹر امجد علی کا کہنا تھا کہ ترقیاتی منصوبوں میں کام کے معیار اور مقدار پر کسی قسم کا سمجھوتہ نہیں ہوگا۔ انہوں نے کہا کہ خود عوام تمام ترقیاتی منصوبوں کی کڑی نگرانی کر رہے ہیں، جو قابل ستائش ہے۔