نو تعینات سیکرٹری اطلاعات کو محکمہ کے امور پر بریفنگ

نو تعینات سیکرٹری اطلاعات و تعلقاتِ عامہ خیبرپختونخوا مطیع اللہ خان کو محکمہ اطلاعات و تعلقاتِ عامہ کے تنظیمی ڈھانچے اور مختلف امور کے حوالے سے تفصیلی بریفنگ دی گئی۔ایڈیشنل سیکرٹری اطلاعات حضرت علی نے سیکرٹری اطلاعات کو محکمہ کے مختلف شعبہ جات، ذمہ داریوں اور مجموعی تنظیمی ڈھانچے سے آگاہ کیا۔ بریفنگ میں محکمہ اطلاعات و تعلقاتِ عامہ کے جاری اقدامات اور اہم منصوبوں پر بھی روشنی ڈالی گئی۔اجلاس میں ڈائریکٹر جنرل اطلاعات و تعلقاتِ عامہ محمد عمران خان، پریس رجسٹرار انصار اللہ خلجی، ڈائریکٹر ایڈمن ابن آمین، سٹیشن ڈائریکٹر پختونخوا ریڈیو پشاور ہارون الرشید، ڈائریکٹر کریئیٹو ونگ ڈاکٹر دانش بابر، ڈپٹی سیکرٹری انور اکبر، ڈپٹی ڈائریکٹر آئی ٹی زار علی، پلاننگ آفیسر حزب اللہ اور محکمہ اطلاعات و نظامتِ اطلاعات و تعلقاتِ عامہ کے دیگر افسران نے شرکت کی۔اس موقع پر سیکرٹری اطلاعات و تعلقاتِ عامہ مطیع اللہ خان نے محکمہ کی مجموعی کارکردگی اور پیش رفت کو سراہا۔ انہوں نے کہا کہ محکمہ کی کارکردگی کو مزید بہتر بنانے اور عوام تک مؤثر انداز میں معلومات پہنچانے کے لیے مربوط انداز میں کام کیا جائے گا۔ انہوں نے اس عزم کا اظہار کیا کہ محکمہ کی بہتری اور ادارہ جاتی مضبوطی کے لیے تمام دستیاب وسائل بروئے کار لائے جائیں گے۔