خیبر پختونخوا کے صوبائی وزیر برائے آبپاشی ریاض خان سے ان کے دفتر پشاور میں رکن قومی اسمبلی عاطف خان اور ڈیڈک چیئرمین بونیر کبیر خان نے ملاقات کی۔

خیبر پختونخوا کے صوبائی وزیر برائے آبپاشی ریاض خان سے ان کے دفتر پشاور میں رکن قومی اسمبلی عاطف خان اور ڈیڈک چیئرمین بونیر کبیر خان نے ملاقات کی۔ملاقات کے دوران باہمی دلچسپی کے امور، پارٹی معاملات اور علاقائی ترقی سے متعلق مختلف امور پر تفصیلی تبادلہ خیال کیا گیا۔ اس موقع پر صوبے میں جاری ترقیاتی منصوبوں، عوامی مسائل کے حل اور پارٹی کو مزید مضبوط بنانے کے حوالے سے بھی گفتگو کی گئی۔صوبائی وزیر آبپاشی ریاض خان نے کہا کہ موجودہ صوبائی حکومت عوامی فلاح و بہبود کے لیے عملی اقدامات کر رہی ہے اور تمام وسائل بروئے کار لاتے ہوئے صوبے کے مختلف اضلاع میں ترقیاتی منصوبوں کو تیزی سے مکمل کیا جا رہا ہے عوامی مسائل کے حل کیلیے صوبائی حکومت سنجیدہ ہےعوام کو بنیادی سہولیات کی فراہمی کیلیے کوشاں ہیں عوام کے اعتماد پر پورا اترنے کی بھر پور کوشش کررہے ہیں عوام کو ضروریات ذندگی کی سہولیات میسر کرنا حکومت کی اولین ترجیحات میں شامل ہے۔رکن قومی اسمبلی عاطف خان اور چیئرمین بونیر کبیر خان نے بھی صوبائی وزیر کی کاوشوں کو سراہتے ہوئے یقین دلایا کہ وہ عوامی مسائل کے حل اور پارٹی کےاستحکام کے لیے اپنا بھرپور کردار ادا کرتے رہیں گے۔