پروفیسر جہانزیب نیاز اور لائق زادہ لائق کی خدمات ہمیشہ یاد رکھی جائیں گی

پروفیسر جہانزیب نیاز اور لائق زادہ لائق کی خدمات ہمیشہ یاد رکھی جائیں گی۔ ادبی رہنما پروفیسر جہانزیب نیاز اور سنگر کے بانی چیئرمین لائق زادہ لائق نے اپنے قلم، علم، فکر اور دیگر وسائل کو انسانیت، قوم اور سرزمین کی فلاح کے لیے استعمال کیا ہے۔ ان خیالات کا اظہار نیاز ادبی سنگر کے سرپرست ڈاکٹر کاظم نیاز، چیئرمین پروفیسر آسیر منگل، پشتو اکیڈیمی کے سابق ڈائریکٹر پروفیسر ڈاکٹر سلمیٰ شاہین، ایڈورڈز کالج پشاور کے سابق وائس پرنسپل ڈاکٹر یار محمد مغموم، سنگر کے وائس چیئرمین ایڈمن میرویس نیاز، ڈاکٹر اقبال شاکر، شاکر زیب، وسیم لائق، سباون ویلنٹیرسکول کے چیف ایگزیکیٹو ستار خان اور دیگر علمائے کرام و دانشوروں نے پروفیسر جہان زیب نیاز اور لائق زادہ لائق کی یاد میں منعقدہ تقریب میں کیا۔نیاز ادبی سنگر خیبرپختونخوا کے زیر اہتمام پشتو زبان کے ادبی رہنما، ماہر تعلیم، ممتاز دانشور، شاعر، ادیب، محقق اور مصنف پروفیسر جہان زیب نیاز (تمغہ حسن کارکردگی) کی دسویں برسی اور سنگر کے بانی چیئرمین معروف براڈکاسٹر، شاعر، ادیب اور دانشور لائق زادہ لائق (تمغہ امتیاز) کی دوسری برسی پشاور میں منائی گئی۔ معروف دانشور، ڈرامہ نگار اور شاعر نور البشر نوید نے برسی تقریب کی سکرپٹ اور قواعد ترتیب دیے تھے۔تقریب میں ڈاکٹر کاظم نیاز نے امریکہ کے واشنگٹن ڈی سی سے ویڈیو پیغام میں کہا کہ ہمارے لیے یہ فخر کا مقام ہے کہ نیاز ادبی سنگر اپنے رہنما اور بانی چیئرمین کی شاندار خدمات کا مرحلہ کامیابی سے مکمل کر رہا ہے اور اپنے مقصد و مرام کی طرف مزید ترقی کر رہا ہے۔ کاظم نیاز نے مزید کہا کہ سنگر پروفیسر جہان زیب نیاز کی پشتو ادب و زبان کی فلاح و ترقی کے مشن کو جاری رکھے گا۔ سنگر کے سرپرست نے بانی چیئرمین لائق زادہ لائق کی ادبی خدمات کی ستائش کی اور کہا کہ ان کی تحریریں اور رہنمائی ہمارے لیے قیمتی اثاثہ ہیں۔تقریب میں دوبئی سے آن لائن لائق زادہ لائق کے صاحبزادے وسیم لائق اور امریکہ سے سنگر کے کلچر ونگ کے معاون چیئرمین شاکر زیب نے بھی اپنے خیالات کا اظہار کیا اور پروفیسر جہان زیب نیاز اور بانی چیئرمین لائق زادہ لائق کی ادبی کاوشوں کو بہترین الفاظ میں یاد کیا۔اس موقع پر ایک خوبصورت ثقافتی پروگرام میں صوبے کے مشہور فنکار اور نیاز ادبی سنگر کے کلچر ونگ کے صدر فیاض خان خیشگی، کلچر ونگ کے اراکین واجد لائق، شمال نیاز، سنگر کے اراکین فضل وحاب درد، سنگر کے سیکرٹری وقار لائق اور دیگر گلوکاروں نے اپنے میٹھے سروں میں پروفیسر جہان زیب نیاز اور لائق زادہ لائق کے منتخب کلام کو گایا۔موسیقی کی محفل کے دوران سنگر کی خواتین ونگ کی سربراہ ڈاکٹر ثمینہ نیاز، نثار محمد خان، ڈاکٹر احمد علی عاجز، گل بہادر یوسف زئی، بخت روان عمر خیل اور دیگر شخصیات نے اپنے تاثرات میں پروفیسر جہان زیب نیاز اور بانی چیئرمین لائق زادہ لائق کی پشتو زبان، پشتو ادب، تعلیم اور ثقافت کی مضبوطی، حفاظت اور ترقی کے لیے کی جانے والی کاوشوں اور خدمات پر روشنی ڈالی۔اس موقع پر پروفیسر ڈاکٹر فرخندہ لیاقت، ہدایت اللہ گل، فرمان اللہ جان، غلام غوث، منیر ہزاروی، زیبا آفریدی، فضل مومند، عماد خان، شارق خان، نیاز ادبی سنگر کی کابینہ کے اراکین، کلچر ونگ کے اراکین اور فنون کے شعبے کے تمام اراکین موجود تھے۔تقریب کے آغاز میں سنگر کی جانب سے سہرو کی چھپی ہوئی کتاب “د پسبنتو ناوی بہ زہ سینکاروم” کی تعارفی تقریب بھی منعقد کی گئی۔ اس کتاب میں ڈاکٹر ابدال نیاز کے شادی کے مشاعرے میں شاعروں کے لکھے ہوئے اشعار پیش کیے تھے اور بانی چیئرمین لائق زادہ لائق کی قیادت میں اس مشاعرے کا اہتمام کیا گیا تھا۔