وزیراعلی خیبرپختونخوا کی مشیر برائے زکوٰۃ و عشر، سماجی بہبود و ترقی نسواں مشال اعظم یوسفزئی اور ایڈیشنل چیف سیکرٹری ہوم عابد مجید کی زیر صدارت پہل-911 ہیلپ لائن کے حوالے سے اجلاس منعقد ہوا۔ اجلاس میں سیکرٹری سماجی بہبود و ترقی نسواں سید نذر حسین شاہ، یونیسیف اور یو این ایف پی اے کے نمائندوں سمیت متعلقہ حکام نے شرکت کی۔ اجلاس میں ہیلپ لائن پہل- 911 کے قیام کے پس منظر اور ابتک کی کارکردگی سے شرکاء کو آگاہ کیا گیا۔ اجلاس میں گفتگو کرتے ہوئے مشیر وزیراعلیٰ مشال اعظم یوسفزئی نے کہا کہ گھریلو تشدد اور منشیات کے استعمال کے روک تھام کیلئے اقدامات اٹھارہے ہیں۔ صوبہ میں دارالامان کو ڈیجیٹلاز کررہے ہیں۔یو این ایف پی اے کی تعاون سے خواتین پر گھریلو تشدد کی روک تھام کیلئے ہیلپ لائن فعال کررہے ہیں۔ جو پہل-911 سے منسلک ہوگی۔ اس طرح مزید ہیلپ لائنز کو پہل 911 میں یکجا کررہے ہیں۔ اجلاس کو پہل-911 کے بارے میں بریفننگ کے دوران بتایا گیا کہ ایمرجنسی، ریسکیو، پولیس، نیشنل ہائی وے اینڈ موٹر وے پولیس سمیت دیگر اہم ہیلپ لائن کو پہل-911 ہیلپ لائن کے ساتھ منسلک کرکے ایک پلیٹ فارم کے ذریعے عوام کو تمام ہیلپ لائن تک آسان رسائی فراہم کی جارہی ہے۔ اس طرح بہت جلد گھریلو تشدد کے روک تھام کے لئے ہیلپ لائن سمیت دیگر ہیلپ لائن کو پہل 911 کے ساتھ منسلک کیا جائیگا۔اجلاس میں پہل 911 کی فعالیت و مزید بہتری کیلئے اقدامات و تجاویز پر بحث کی گئی۔ مشیر وزیراعلیٰ مشال اعظم یوسفزئی کا اجلاس میں مزید کہنا تھا کہ صوبائی حکومت بچوں و خواتین کی فلاح وبہبود, منشیات میں مبتلا افراد کی بحالی اور منشیات کی روک تھام کیلئے اقدامات اٹھارہے ہیں۔ خواتین پر گھریلو تشدد کے روک تھام کیلئے اقدامات کررہے ہیں۔

خیبر پختونخوا کے وزیر برائے محنت فضل شکور خان کی زیر صدارت ورکرز ویلفیئر بورڈ خیبر پختونخواکے ٹیکنیکل اینڈ ووکیشنل تعلیمی اداروں کے حوالے سے اجلاس منعقد ہوا اجلاس میں صوبائی وزیر کو ٹیکنیکل اینڈ ووکیشنل تعلیمی نظام کے بارے میں تفصیلی بریفنگ دی گئی صوبائی وزیر کو بتایا گیا کہ اس وقت 3 پولی ٹیکنیک انسٹیٹیوٹ, 8 مونو ٹکنیک، 7 میٹرک ٹیک جبکہ 9 ووکیشنل انسٹیٹیوٹس صوبے کے مختلف اضلاع میں ٹیکنیکل اور ووکیشنل تعلیم میں مختلف کورسز پڑھانے کی سہولیات مہیا کر رہے ہیں ٹیکنیکل انسٹیٹیوٹس میں ڈی اے ای الیکٹریکل،ڈی اے ای سول اور میکینیکل کورسز پڑھائے جاتے ہیں جبکہ ووکیشنل انسٹیٹیوٹس میں ٹیلرنگ، کڑھائی، ڈریس میکنگ، آرٹ کٹلری اور بیوٹیشن کی کورسز آفر کیے جاتے ہیں اجلاس میں صوبائی وزیر کو ٹیکنیکل ایجوکیشن کی اہمیت کے بارے میں بھی بتایا گیا کہ فنی تعلیم ملک کی استحکام میں اہم کردار ادا کرسکتا ہے پاکستان میں ہنرمندوں کی ڈیمانڈ میں دن بدن اضافہ ہورہا ہے جبکہ بیرون ممالک میں بھی سکلڈ لیبر کو ترجیح دی جاتی ہے صوبائی وزیر کو ٹیکنیکل اداروں سے پاس ہونے والے ان سٹوڈنٹس کے بارے میں بھی آگاہ کیا گیا جو اب پاکستان اور دوسرے بیرون ممالک کے اچھے کمپنیوں میں کام کر رہے ہیں صوبائی وزیر کو خوشحال پختونخوا پروگرام کے اگلے مرحلے میں داخلہ کے اجراء کے بارے میں بھی تفصیلی طور پر بریفنگ دی گئی صوبائی وزیر فضل شکور خان نے اس موقع پر کہا کہ محکمہ محنت مزدوروں کی فلاح و بہبود کے لیے ہر ممکن اقدام اٹھائے گی انہوں نے متعلقہ افسران کو احکامات جاری کئے کہ ٹیکنیکل انسٹیٹیوٹس میں پڑھنے والے سٹوڈنٹس کو چائینیز اور دوسری زبانوں کے سیکھنے کی سہولیات مہیا کی جائیں۔