وزیر اعلیٰ خیبرپختونخوا کے معاون خصوصی برائے سائنس و انفارمیشن ٹیکنالوجی ڈاکٹر شفقت ایاز کی لاہور فیوچر فیسٹ میں شِرکت، مہمانِ خصوصی ڈاکٹر شفقت ایاز کا ایکسپو سینٹر لاہور آمد پر شاندار استقبال کیا گیا۔ صوبائی وزیر ڈاکٹر شفقت ایاز نے فیوچر فیسٹ میں لگے مختلف اسٹالز کا دورہ کیا، منتظمین کی جانب سے مہمانِ خصوصی کو جامع بریفنگ دی گئی۔فیوچر فیسٹ سے خِطاب کرتے ہوئے صوبائی وزیر برائے سائنس و انفارمیشن ٹیکنالوجی ڈاکٹر شفقت ایاز نے فیوچر فیسٹ کو ٹیکنالوجی کے فروغ کے لئے بہترین فیسٹیول قرار دیا اور اس طرز کا فیسٹیول جلد خیبر پختونخوا میں بھی کرانے کا اعلان کیا۔ فیوچر فیسٹ کے اختتام پرمہمانِ خصوصی ڈاکٹر شفقت ایاز نے ٹیکنالوجی کی دنیا میں خدمات انجام دینے والے انٹرپرینورز کو ایوارڈ بھی پیش کیے۔

مشیر صحت احتشام علی نے پراونشل ہیلتھ سروسز اکیڈمی کا اچانک دورہ کیا۔ انہوں نے گریڈ 18 سے گریڈ انیس میں ترقی کیلئے ضروری مینجمنٹ کیڈر کے ڈاکٹرز کے لئے جاری چار ماہ کے مینڈیٹری ٹریننگ کا بھی معائنہ کیا۔ زیر تربیت ڈاکٹرز سے ملے اور تربیت کے پیش رفت کا جئازہ بھی لیا۔ ڈی جی پی ایچ ایس اے ڈاکٹر عبدالوحید نے مشیر صحت کو پی ایچ ایس اے سے متعلق بریف کیا۔ ڈی جی پی ایچ ایس اے نے انہیں جاری تربیتی پروگرام بارے بھی آگاہ کیا۔ مشیر صحت نے ہیومن کیپٹل انوسٹمنٹ پروگرام کے تحت جاری تربیتی پروگرامات کا جائزہ لیا۔ انہوں نے وہاں پر جاری تعمراتی کام کا بھی جائزہ لیا۔ مشیر صحت نے صوبے کے طبی عملے کی استعداد کار بڑھانے کیلئے پی ایچ ایس اے کے کردار کو لازمی قرار دیتے ہوئے اسے دور جدید سے ہم آہنگ کرنے اور اس اکیڈمی کو معاشی و انتظامی طور پر مظبوط بنانے کا بھی عندیہ دیا۔ انہوں نے انتظامی مسائل کے فوری حل کیلئے ڈی جی پی ایچ ایس اے کو ٹاسک دیا کہ وہ تمام معاملات کے بروقت حل کیلئے کاغذی کاروائی مکمل کرے تاکہ طلبا سے جُڑے مسائل فوری حل ہوسکے۔ انہوں نے فارغ طلبا کے ایک سالا پیڈ انٹرن شپ، ایوننگ شفٹ بی ایس پروگرام کے آغاز، سٹاف کی کمی کو پورا کرنے، پی ایچ ایس اے کی قبضہ شدہ عمارات کی واہ گزاری سمیت دیگر اہم مسائل کے فوری حل کیلئے متعلقہ حکام کو ہنگامی بنیادوں پر اقدامات کرنے کی ہدایت کی۔ مشیر صحت نے باجوڑ میں نئے تعمیر شدہ نرسنگ کالج کی جلد سے جلد فعالی کے بھی احکامات جاری کیں۔ انہوں نے طبی عملے کی تربیت کو ڈیجٹئاز کرنے اور نرسنگ کالجوں میں میرٹ کے تحت داخلوں کے یقینی بنانے کی بھی احکامات جاری کی کئے.۔

وزیر اعلیٰ خیبرپختونخوا کے معاون خصوصی برائے ٹیکنیکل ایجوکیشن طفیل انجم نے کہا ہے کہ ہماری کوشش ہے کہ ٹیکنیکل ایجوکیشن میں مزید جدت کی طرف گامزن ہوسکیں، اور پورے سسٹم کو ڈیجیٹائز کریں تاکہ یہ نظام پیپرلیس ہوجائے، جس سے وقت اور توانائی کی بجت ممکن ہوسکے گی، ان خیالات کا اظہار انہوں نے جمعرات کو گورنمنٹ ٹیکنیکل کالج گلبہار میں روایتی کورسز اور منیجمنٹ انفارمیشن سسٹم کی افتتاحی تقریب سے خطاب کرتے ہوئے کیا ہے۔ اپنے خطاب میں انہوں نے کہا ہے کہ اج ہم اس اہم تقریب میں شریک ہیں جس میں ٹریڈ ٹیسٹنگ بورڈ صوبے کی ترقی کو مزید ایک قدم آگے لے کر جارہی ہے۔آج کل ڈیجیٹل دور ہے جس میں بدقسمتی سے ہم تھوڑے پیچھے ہیں لیکن اب کنونشنل سسٹم کو ڈیجیٹائز یشن کی طرف یعنی منیجمنٹ انفارمیشن سسٹم کی طرف لیکر جانا ہے خیبرپختونخوا ٹریڈ ٹیسٹنگ بورڈ کا ایک اچھا اقدام ہے جو کہ عوام اور خصوصاً طلبہ کے لئے انتہائی مفید نظام ہے۔ انہوں نے کہا ہے ایم آئی ایس سسٹم سے طلبہ گھر بیٹھے اپنا رزلٹ، رجسٹریشن وغیرہ دیکھ سکیں گے جس سے وقت کی بچت اور پیپر لیس پالیسی پر عمل درآمد ہو سکے گا۔ انہوں نے کہا ہے کہ اس سے پورے نظام میں شفافیت بھی ممکن ہوسکے گی۔ انہوں نے ٹریڈ ٹیسٹنگ بورڈ کے ہنر مند افراد کے لئے Recognition of prior learning RPL (استاد شاگرد) پروگرام لانچ کرنے کی تائید کرتے ہوئے کہا ہے کہ اس سے ہنر مند افراد کو ملک اور بیرون ملک اچھی ملازمتیں ملیں گی۔ اس موقع پر معاون خصوصی نے ار پی ایل(استاد شاگرد) پروگرام فیس 5000 سے کم کر کے 2500 روپے کرنے کا بھی اعلان کیا ہے۔ انہوں نے کہا ہے کہ اس سلسلے کو مزید آگے لے کر چلیں گے اور ہماری کوشش ہوگی کہ اس کو آگے فری چلائیں گے تاکہ غریب ہنر مند افراد اس سے مستفید ہوسکیں۔ انہوں نے یقین دلایا ہے ٹریڈ ٹیسٹنگ بورڈ کی ہمیشہ رہنمائی کریں گے اور بورڈ کی مزید ترقی اور پائیداری کے لئے اپنا بھرپور کردار ادا کریں گے۔ اس موقع پر معاون خصوصی نے طلباء میں تعریفی اسناد بھی تقسیم کیں۔ انہوں نے اس نظام کی فعالیت پر جی آئی ذی سمیت تمام سٹیک ہولڈرز کا شکریہ ادا کیا ہے۔ اس موقع پر منیجنگ ڈائریکٹر کے پی ٹیوٹا منصور قیصر، سیکرٹری ٹریڈ ٹیسٹنگ بورڈ طاہر شاہ، پرنسپل گورنمنٹ ووکیشنل ٹریننگ کالج گلبہار سعید خان جی آئی ذی استاذہ اور کالج طلباء بھی موجود تھے۔

مشیر خزانہ خیبرپختونخوا مزمل اسلم نے وفاقی حکومت کی جانب سے ضم شدہ اضلاع کے ترقیاتی منصوبوں کے فنڈز کے حوالے سے سٹیئرنگ کمیٹی کے قیام پر ردعمل میں کہا ہے پلاننگ کمیشن آف پاکستان پہلے ہی ناقص کارکردگی کا مظاہرہ کر رہا ہے، پلاننگ کمیشن نامکمل منصوبوں اور فنڈز کی کمی کے باعث مشکلات کا شکار ہے۔ مزمل اسلم نے کہا کہ وفاقی حکومت پی ایس ڈی پی منصوبوں کو پورا کرنے میں بری طرح ناکام ہے۔انہوں نے کہا کہ اب پلاننگ کمیشن غیر قانونی طور پر ضم شدہ علاقوں کے ترقیاتی فنڈز پر قبضہ کرنے کوشش کر رہا ہے،یہ ساری کوششیں اپنے ناکام امیدواروں کو نوازنے کے لیے کی جا رہی ہیں۔ مشیر خزانہ نے کہا کہ پی ڈی ایم حکومت کی جانب سے ضم اضلاع فنڈز پر قبضہ کرنے کی یہ دوسری کوشش ہے،پی ڈی ایم حکومت کے دوران شہباز شریف حکومت نے پہلے یہ قدم اٹھایا تھا جسے بعد میں نگران حکومت نے منسوخ کر دیا تھا اور اب دوبارہ ایسے ہتھکنڈے استعمال کرنے کی کوشش کی جا رہی ہے۔انہوں نے کہا کہ وفاقی حکومت پہلے ہی ضم شدہ علاقوں کو ان کے جائز شئیرز سے محروم کر رہی ہے اور ضم اضلاع کیلئے کم بجٹ فراہم کر رہی ہے۔ مشیر خزانہ مزمل اسلم نے کہا کہ وفاقی حکومت دسویں این ایف سی اجلاس بلانے میں تاخیر سے کام لے رہی ہے،وفاقی حکومت کے ایسے اقدامات سے مزید پیچیدگیاں پیدا ہونگیں۔

وزیر اعلیٰ خیبرپختونخوا کے معاون خصوصی برائے ٹرانسپورٹ حاجی رنگیز احمد نے جمعرات کے روز لاہور اڈہ پشاور کا اچانک دورہ کیا۔معاون خصوصی نے لاہور اڈہ کی انتظامیہ سے کاہ کہ عوام کو بہترین سفری سہولیات فراہم کرنا صوبائی حکومت کی ترجیحات میں اس لئے اس میں کسی بھی قسم کی غفلت نا قابل برداشت ہو گی۔انہوں نے نیلامی سے حاصل شدہ تمام فنڈز اڈے کی مرمت و بحالی پر لگانے کی ہدایت کی،انہوں نے انتظامیہ کو ہدایت کی کہ اڈے کی مرمت، بحالی، ائیر کنڈیشنڈ سسٹم بحالی، سیلنگ و دیگر سہولیات کو دو ماہ کے اندر مکمل کیا جائے تاکہ مسافر دستیاب سہولیات ہر ممکن استفادہ حاصل کر سکیں۔انہوں نے ڈائریکٹوریٹ کے این جی اوز کے ساتھ ایم او یو کے تحت لگائے گئے صاف پینے کے پانی فلٹر پلانٹ کو فوری طور پر بحال کرنے،اڈہ میں داخلے کے پرانے گیٹ کو دس دن کے اندر اندر بحال کرنے،پورے اڈے کی صفائی ستھرائی کو فوری طور پر کرنے اور اسے برقرار رکھنے کی ہدایت کی۔معاون خصوصی نے کہا کہ عوام کو بہترین سفری سہولیات کی فوری فراہمی یقینی بنائی جائے۔حاجی رنگیز احمد نے ٹرانسپورٹ کے مسائل کے حل اور کرایہ ناموں پر اگلے ہفتے فوری طور پر اجلاس بلانے کی ہدایت۔انہوں نے کہا کہ لاہور اڈہ میں رکشوں اور پرائیوٹ ٹیکسیوں سے کوئی فیس نہیں لی جائے گی۔اس موقع پر معاون خصوصی نے ٹرانسپورٹرز کے نمائندہ وفد کی تمام شکایات غور سے سنیں اور موقع پر ان کے حل کے لئے اقدامات جاری کرتے ہوئے کہا کہ ٹرانسپورٹرز کی ڈیمانڈ پر اگلے دو ہفتوں میں نئے کرایہ نامے کاا علامیہ جاری کیا جائے گا۔انہوں نے اڈے کی بہترین مینجمنٹ کے لئے فوری کمیٹیاں بنا نے جن میں ٹرانسپورٹرز ایسوسی ایشن سے نمائندے لینے کی ہدایت کی۔ معاون خصوصی نے کہا کہ نئے مسودے کے تحت اڈہ کنٹریکٹر کے پاس وہی اختیار ہوگا جو ٹرانسپورٹ محکمہ اسکو تفویض کرے گا اور ٹھیکیدار عوام کو سہولیات دینے کے لئے ایڈمنسٹریٹر کے احکامات کا پابند ہوگا، کسی کو عوام کے ساتھ زیادتی کرنے کی اجازت نہیں دینگے۔معاون خصوصی ٹرنسپورٹ نے ٹرانسپورٹرز ایسوسی ایشن کی شکایت پر پہلے کنٹریکٹر اور محکمہ ٹرانسپورٹ کے کچھ افسران کی ملی بھگت سے تقریباً 04 کروڑ روپے کی غبن پر فوری انکوائری بنانے کی ہدایت جس پر ٹرانسپورٹ ایسوسی ایشن کے وفد نے بتایا کہ چار کروڑ روپے کی خرد برد پرانے مسودے کا شاخسانہ ہے۔حاجی رنگیز خان نے کہا کہ جو کوئی بھی اس میں ملوث پایا گیا اس کو قرار واقعی سزا دی جائے گی۔معاون خصوصی نے لاہور اڈے کی بحالی، صفائی ستھرائی دیگر سول ورک کو دو ماہ کے اندر مکمل کرنے اور معاون خصوصی کو رپورٹ پیش کرنے کی ہدایت۔

وزیر اعلی خیبر پختونخوا کے معاون خصوصی برائے صنعت عبدالکریم تورڈھیر نے صنعتوں کو درپیش مسائل کے حوالے سے آگاہی حاصل کرنے کی غرض سے جمعرات کے روز پشاور اکنامک زون حیات آباد کا دورہ کیا اور وہاں پر انڈسٹریل ایسوسی ایشن پشاور کے ساتھ منعقدہ اجلاس کی صدارت کی۔اجلاس میں افیشیٹنگ چیف ایگزیکٹیو آفیسر خیبر پختونخوا اکنامک زونز ڈویلپمنٹ اینڈ منیجمنٹ کمپنی عادل صلاح الدین،ڈائریکٹر جنرل پشاور ڈویلپمنٹ اتھارٹی نعیم خان،ضلعی انتظامیہ کی جانب سےاسسٹنٹ کمشنر پشاور حسینہ خان و دیگر محکموں کے نمائندوں، صدر پشاور انڈسٹریلسٹس ایسوسی ایشن ایوب زکوڑی سمیت دیگر موجودہ و سابق عہدیداروں،پشاور کے ممتاز صنعتکاروں و کاروباری شخصیات کے علاؤہ انٹر لنک کمیونیکیشن کے کنٹری منیجر شعیب الدین نے خصوصی شرکت کی۔اجلاس میں پشاور اکنامک زون کے صنعتکاروں کو درپیش مختلف نوعیت کے مسائل کے حوالے سے معاون خصوصی کو آگاہ کیا گیا اور اس ضمن میں حکومت سے ممکنہ تعاون و اقدامات اٹھانے کی گزارشات پیش کی گئیں۔اس موقع پر معاون خصوصی نے پشاور ڈویلپمنٹ اتھارٹی اور ضلعی انتظامیہ کے حکام کو ہدایت کی کہ پشاور اکنامک زون کے صنعتوں تک مال اٹھانے کیلئے گاڑیوں کی امدورفت میں حائل روکاوٹوں کو دور کیا جائے اور مال بردار گاڑیوں کی محفوظ ٹرانسپورٹیشن کیلئے اقدامات اٹھائے جائیں۔انھوں نے کہا کہ اکنامک زون کیلئے بلا کسی روکاوٹ اور تعطل گاڑیوں کی امدورفت کیلئے مناسب راستہ ہوناچاہیے۔اس حوالے سے انھوں نے متعلقہ اداروں اور انتظامیہ کو موزوں حل تلاش کرنے اور مناسب اقدامات اٹھانے کیلئے دس دن کا ٹائم لائن دیا۔انھوں نے محکمہ محنت کیساتھ جڑے مسائل کے حل کیلئے متعلقہ حکام کیساتھ اجلاس منعقد کرانے کی یقین دہانی کرائی۔اس موقع پر صنعتکاروں کی شکایت پر صنعتوں سے جانے والی گاڑیوں سے مبینہ طور پر پرچیاں دیکر غیر قانونی رقم لینے کا نوٹس لیتے ہوئے معاون خصوصی نے انتظامیہ کے افسران کو اس بابت انکوائری کرنے اور اس طرح کے واقعات دوبارہ رونما نہ ہونے کیلئے ہدایات جاری کیئے۔انھوں نے زون کے اندر مال بردار گاڑیوں کو محصول کی پرچیاں دینے کی شکایت پر بھی معاملے کی انکوائری کی ہدایات کی۔معاون خصوصی نے ایکسپورٹ پر انفراسٹرکچر ڈویلپمنٹ سیس کم ہونے کے باوجود بھی تکنیکی سقم کی وجہ سے2 فیصد مبینہ وصولی کا معاملہ متعلقہ حکام کیساتھ اٹھانے کی یقین دہانی کی اور کے پی ایزڈمک کو اس سلسلے میں ہوم ورک کرنے کی ہدایت کی۔انھوں نے صنعتوں کو سستی گیس کی فراہمی کی تجویز اور زون میں صنعتوں کو درپیش توانائی سے متعلق دیگر مسائل کو متعلقہ حکام سے اٹھانے کا بھی یقین دلایا جبکہ ٹریڈ ٹرانزٹ کے ذمرے میں ریلوے سے متعلق امور پر ورکنگ کرکے انھیں بھی متعلقہ وفاقی ادارے سے اٹھانے کا عندیہ دے دیا اور ٹریڈ شوز کے انعقاد کیلئے بھی اقدامات اٹھانے سے اتفاق کیا۔اس موقع پر معاون خصوصی نے اظہار خیال کرتے ہوئے کہا کہ خیبر پختونخوا کے صنعتکاروں نے یہاں کی معاشی ترقی میں اہم کردار ادا کیا ہے اور یہاں کے جغرافیے کی وجہ سے ملک کے دیگر شہروں کے برعکس مسابقتی سہولیات کم ہونے کے باوجود حوصلہ نہیں ہارا ہے اور صوبے ہی میں سرمایہ لگاکر یہاں کی اقتصادی ترقی میں ایک اہم کردار ادا کیا ہے۔ انھوں نے کہا کہ ہمارے کاروباری حضرات اور صنعتکاروں کا یہ حوصلہ جہاد سے کم نہیں جنھوں نے دہشتگردی کے ادوار میں بھی اپنا عزم برقرار رکھا۔ انھوں نے کہا کہ معاشی سرگرمیوں کا فروغ صوبائی حکومت کا اولین ایجنڈا ہےاور وزیر اعلی نے اس ضمن میں ہدایت کی ہے کہ ہر ضلع میں معاشی سرگرمیوں کے فروغ کا ذمہ دار متعلقہ ڈپٹی کمشنر ہوگا لہذا ضلعی انتظامیہ اس سلسلے میں اپنی ذمہ داریاں ادا کریں تاکہ صنعتکاروں کے مسائل کا خاتمی ہوسکیں۔ معاون خصوصی نے صنعتکاروں کو ترجیح کے مطابق انکے مسائل کے ازالے میں ہرممکن تعاون کی فراہمی کی یقین دہانی کرائی۔انھوں نے کہا کہ اس صوبے کا باسی ہونے کے ناطے ہم ہی نے اپنے صوبے کو اٹھانا ہے اور باہر سے ہمارے لیئے کسی نے نہیں انا ہے، اسلیئے حکومت صوبے کے سرمایہ کاروں اور کاروباری طبقات کے خدمات کو قدر کی نگاہ سے دیکھتی ہے۔

خیبر پختونخوا کے وزیر برائے پبلک ہیلتھ انجینئرنگ پختون یار خان صوبائی وزیر محکمہ بلدیات ارشد ایوب خان کے دفتر گئے جہاں انہوں نے ان سے ملاقات کی اس موقع پر سیکرٹری کونسل بورڈ وحید الرحمن اور ڈپٹی سیکرٹری کونسل بورڈ خیبرپختونخوا بھی موجود تھے صوبائی وزیر پختون یار خان نے صوبائی وزیر بلدیات سے بنوں لوکل گورنمنٹ، ٹی ایم ایز اور دیگر امور پر تبادلہ خیال کیا صوبائی وزیر بلدیات ارشد ایوب نے مسائل کا نوٹس لیتے ہوئے فوری حل کی یقین دہانی کرائی صوبائی وزراء نے ملاقات میں اس عزم کا اظہار کیا کہ وہ پورے خیبر پختونخوا اور بالخصوص بنوں کے محکمہ بلدیات سے متعلق تمام مسائل کے حل کیلئے ہنگامی بنیادوں پر اقدمات کریں گے ان کے مطابق خیبر پختونخوا کی حکومت عوامی مسائل کے حل کیلئے اقدمات کررہی ہے خیبرپختونخوا کی حکومت اپنے پانچ سالہ دور اقتدار میں خیبر پختونخوا کی تمام تر محرومیاں کو دور کرکے خیبرپختونخوا کو ایک مثالی اور ترقی یافتہ صوبہ بنائے گی انہوں نے کہا کہ لوکل گورنمنٹ, ٹی ایم ایز اور ان کے ملازمین کے مسائل و مشکلات کو فوری طور پر حل کیا جائے گا اور انہیں جنگی بنیادوں پر فنڈز جاری کئے جائیں گے تاکہ وہ اپنا کام خوش دلی اور ایمانداری سے جاری رکھیں۔

پاپس کے 46.2، نمکوکے 33.3، سیزننگ پاؤڈرکے 18.1 جبکہ کری پاؤڈر کے 28.1 فیصد نمونے غیر معیاری قرار پائے گئے، رپورٹ

خیبرپختونخوا فوڈ سیفٹی اینڈ حلال فوڈ اتھارٹی نے صوبے کی تاریخ میں پہلی مرتبہ اپنی نوعیت کی پندرہ روزہ پاپس،چپس اور مصالحہ جات کی ٹیسٹنگ مہم کامیابی سے مکمل کرلی۔ اس مہم کے دوران مختلف کارخانوں سے 462 نمونے جمع کرکے جانچ پڑتال کی گئی۔ترجمان فوڈ اتھارٹی نے تفصیلات جاری کرتے ہوئے کہا کہ مہم کے دوران کل 175 پاپس، 24 نمکو، 160سیزننگ پاؤڈر اور 103 کری پاؤڈر کے نمونے چیک کیے گئے۔ترجمان نے کا کہنا تھا کہ پاپس کے 175 نمونوں میں سے 93تسلی بخش جبکہ 82 غیر معیاری ثابت ہوئے۔ نمکو کے 24 نمونوں میں سے 16 معیار پر پورا اترے جبکہ 8 فیل قرار پائے۔ اسی طرح سیزننگ پاؤڈر کے 160 نمونوں میں سے 131 پاس اور 29 فیل ثابت ہوئے۔ کری پاؤڈر کے 103نمونوں میں 74 تسلی بخش جبکہ 29 غیر معیاری قرار دیے گئے۔تفصیلات کیمطابق پاپس کے 46.2، نمکوکے 33.3، سیزننگ پاؤڈرکے 18.1 جبکہ کری پاؤڈر کے 28.1 فیصد نمونے غیر معیاری قرار پائے گئے۔نمونوں کے تجزیے کے دوران نمی، فری فیٹی ایسڈ، ٹوٹل ایش، پر آکسائیڈ ویلیو، پیکنگ تھکنس، اور افلاٹاکسینز کے لیول کا جائزہ لیا گیا۔ ترجمان نے بتایا کہ ان نمونوں کا تجزیہ جدید آلات جیسے ایلیزا ریڈر، پراگزیمیٹ این آئی آر، مافل فرنیس، اور ڈیجیٹل سکریو گیج سے کیا گیا۔ڈائریکٹر جنرل فوڈ اتھارٹی واصف سعید نے کہا کہ مہم کا مقصد مارکیٹ میں دستیاب پاپس، چپس اور اس میں استعمال ہونے والے مصالحہ جات کے معیار کی جانچ کرنا تھا۔ انہوں نے مزید کہا کہ بچوں کو غیر معیاری اور مضر صحت پاپس اور چپس کی فروخت کسی صورت اجازت نہیں دی جائے گی۔سیکرٹری محکمہ خوراک ثاقب رضا اسلم نے کہا کہ ایسی خصوصی فوڈ ٹیسٹنگ مہمات کا سلسلہ جاری رکھا جائے گا تاکہ عوام کو محفوظ اور معیاری خوراک فراہم کی جا سکے۔وزیر خوراک ظاہر شاہ طورو کا کہنا تھا کہ فوڈ اتھارٹی کو مزید جدید فوڈ ٹیسٹنگ آلات فراہم کیے جا رہے ہیں تاکہ خوراکی اشیاء کے معیار کا سائنسی تجزیہ ممکن ہو۔ انہوں نے کہا کہ معیاری خوردونوش اشیاء کی فراہمی یقینی بنانے سے ہم اپنے صوبے کے ہسپتالوں پر بوجھ کم کر سکتے ہیں۔