مُشیر صحت ڈاکٹر ریاض انور کا لیڈی ریڈنگ ہسپتال کا دورہ، ورسک روڈ بم دھماکے کے زخمیوں کی عیادت کی، زخمیوں کو بہترین فوری ابتدائی طبی امداد کی سہولیات مہیا کی گئیں : مشیر صحت

مشیر صحت ڈاکٹر ریاض انور نے کہا ہے کہ ورسک روڈ دھماکے میں زخمی ہونے والے افراد کو فوری بہترین علاج فراہم کی گئی ہے جن کی حالت اب خطرے سے باہر ہے۔ پشاور کے بھر کے ہسپتالوں میں میڈیکل ایمرجنسی نافذ کردی گئی ہے اور طبی عملے کی چھُٹیاں کینسل کردی گئی ہیں۔ ان خیالات کا اظہار انہوں لیڈی ریڈنگ ہسپتال میں ورسک روڈ دھماکے میں زخمی ہونے والے اہلکاروں کی عیادت کرتے ہوئے کیا۔ اس موقع پر ہاسپٹل ڈائریکٹر بھی ان کے ہمراہ تھے۔

مشیر صحت کو بتایا گیا کہ ایف سی دھماکے کے 9 زخمیوں کو ایل آر ایچ منتقل کیا گیا جن کو فوری طبی امداد فراہم کی گئی۔ دھماکے کے فوراً بعد ایل آر ایچ میں ایمرجنسی نافذ کر دی گئی اور زخمیوں کو فوری طبی امداد دے کر متعلقہ یونٹس شفٹ کیا گیا۔ ہسپتال انتظامیہ نے بتایا کہ زخمیوں میں سے چھ ایف سی اہلکار جبکہ تین عام شہری شامل ہیں جن میں سے دو ایف سی اہلکار اور ایک سویلین کی حالت تشویشناک ہے جن کو آپریشن تھیٹر شفٹ کیا گیا ہے۔

مشیر صحت کو یہ بھی بتایا گیا کہ چار ایف سی اہلکاروں کو سی ایم ایچ شفٹ کیا جا رہا ہے جن کی جان بچانے میں ایل آر ایچ نے اہم کردار ادا کیا، ان کی حالت اب خطرے سے باہر ہے، دو زخمی اسوقت داخل ہیں ایک زیرنگرانی ہے جبکہ دو زخمیوں کو علاج کے بعد ڈسچارج بھی کیا گیا ہے۔

ڈاکٹر ریاض انور کو یہ بھی کہا گیا کہ اسوقت ایل آر ایچ میں کل تین زخمی زیر علاج ہیں جن میں دو ایف سی اہلکار اور ایک سویلین شامل ہے ۔اس موقع پر مشیر صحت کا کہنا تھا کہ محکمہ صحت کسی بھی ناگہانی صورتحال سے نمٹنے کیلئے فوری طرح تیار ہے ۔

نگران صوبائی وزیر برائے اطلاعت اور سیاحت بیرسٹر فروز جمال شاہ کاکا خیل نے دو روزہ ناران کاغان کا سرکاری دورہ کیا۔ اس موقع پر ڈائریکٹر جنرل کلچر ٹورزم اتھارٹی برکت اللہ مروت اور ڈائریکٹر جنرل کاغان ڈیویلپمنٹ اتھارٹی طارق خان بھی ان کے ہمراہ موجود تھے۔ نگران صوبائی وزیر کو کاغان ڈویلپمنٹ اتھارٹی اور گلیات ڈیویلپمنٹ اتھارٹی کے بارے بریفنگ دی گئی۔
نگران صوبائی وزیر نے اپنے سرکاری دورے کے موقع پر رافٹنگ بھی کی اور سیاحوں سے بھی ملے، سیاحوں سے ان کے مسئلے دریافت کیے اور انہیں حل کرنے کی یقین دہانی کرائی۔ نگران صوبائی وزیر نے ناران کے سرکاری دورے کے موقع پر ناران میں صفائی مہم کا بھی اغاز کیا اور وہاں پر 2 لاکھ اشیائے خرد نوش کے بیگز بھی سیاحوں اور ہوٹلوں میں تقسیم کئے، اس کے ساتھ ساتھ انہوں نے دریائے کنہار میں 500 ٹراؤٹ کے بچے بھی پانی میں چھوڑے۔ ناران کے سرکاری دورے کے موقع پر نگران صوبائی وزیر بیرسٹر فیروز جمال شاہ کاکا خیل نے 150 بیٹھنے کے بنچز لگا کر انکا افتتاح کیا۔ڈائریکٹر جنرل کاغان ڈیویلپمنٹ اتھارٹی کو ہدایت جاری کی کہ پہلے سے موجود 8 پبلک ٹوائلٹس جو موجود ہیں ان کے علاوہ مزید اٹھ پبلک ٹوائلٹس بنائے جائیں جس سے سیاہ مستفید ہو سکیں، انہوں نے اس موقع پر 200 بنز بھی لگائے۔ اس کے ساتھ ساتھ انہوں نے 1122 کے افس کا بھی دورہ کیا اور ان کے کام کو سراہا۔ کاغان ڈیویلپمنٹ اتھارٹی کے 20 ملازمین جو کہ خیموں میں رہ رہے تھے ان کی مستقل رہائش کا بندوبست کر کہ انہے وہاں رہائش پذیر کیا۔ نگران صوبائی وزیر نے کہا کہ عوام کے لئے پانچ سال سے بند 18 ہٹس کو فعال بنا دیا گیا ہے اور اس سال مزید 40 ہٹس کو فال کر دیا جائے گا۔ نگران صوبائی وزیر نے ناران کاغان کے مختلف جگہوں کا دورہ کیا اور وہاں پہ سیاحوں سے ملے اور کلچر ٹورزم اتھارٹی اور کاغان ڈیویلپمنٹ اتھارٹی کے ڈائریکٹر جنرل کو ہدایت دی کہ ناران میں پارکس بنائے جائیں، گرین بیلٹس بنائی جائیں تاکہ عوام اس سے مستفید ہو سکے۔ اس کے ساتھ ساتھ کاغان ڈیویلپمنٹ اتھارٹی کے ملازمین جن کی تنخواہیں ساتھ سال سے کم تھی اور نہیں بڑھائی جا رہی تھی انہیں قومی کم از کم اجرت 32 ہزار کے برار کر دی۔
بیرسٹر فروز جمال شاہ کاکا خیل نے ہوٹل اسوسییشن کے وفد سے ان کے صدر سیٹ سمیع اللہ اور جنرل سیکرٹری ہارون یاسر کی سربراہی میں ملاقات کی اور انہیں سیاحوں کے ساتھ تعاون، ہوٹلوں اور اشیاء خرد نوش کی قیمتوں میں کمی کرنے کا بھی کہا۔
نگران صوبائی وزیر بیرسٹر فیروز جمال شاہ کاکا خیل نے جیپ اسوسییشن کے وفد سے بھی ان کے صدر عباسی کی سربراہی میں ملاقات کی، ان کے مسئلے سنے اور انہیں حل کرنے کی یقین دہانی بھی کروائی۔ اس موقع پر نگران صوبائی وزیر نے جیپ ایسوسییشن کے لیے ایک جیپ اڈا کا بھی افتتاح کیا۔
برسٹر فیروز جمال شاہ کاکا خیل نے ڈائریکٹر جنرل گلیات ڈیویلپمنٹ اتھارٹی اور ڈائریکٹر جنرل کاغان ڈیویلپمنٹ اتھارٹی کو احکامات جاری کرتے ہوئے کہا کہ انسو لیک سے سیف الملوک لیک جو کہ اٹھ کلومیٹر پیدل راستہ ہے، شوگران سے ملاکنڈی جو کہ سات کلومیٹر پیدل راستہ ہے، شعران سے ندی بنگلہ جو 11 کلومیٹر پیدل راستہ ہے، بوجاں سے نیل گلی جو کہ 17 کلومیٹر پیدل راستہ ہے، سیراں ویلی سے رتی گلی جو کہ نیلم ویلی کا 23 کلومیٹر پیدل راستہ ہے، اس کی مرمت کی جائے اور اس پہ صفائی کا کام بھی کروائیں تاکہ عوام کو اس پہ چلنے میں دشواری اور مشکلات کا سامنا نہ ہو۔ نگران صوبائی وزیر نے ان ٹریکس کا جائزہ لینے کے بعد یہ احکامات جاری کئے۔ سرکاری دورے سے واپسی پر صوبائی نگران وزیر نے ڈائریکٹر جنرل کے ساتھ شوگراں پی ٹی ڈی سی کا دورہ بھی کیا اس موقع پر سابقہ وفاقی وزیر سید قاسم شاہ بھی ان کے ہمراہ موجود تھے۔

نگران صوبائی وزیر برائے اطلاعت اور سیاحت بیرسٹر فیروز جمال شاہ کاکا خیل نے دنیا نیوز کے سینیئر رپورٹر ثمین جان کے انتقال پر گہرے دکھ اور افسوس کا اظہار کیا ہے۔انہوں نے کہا کہ ثمین جان کی صحافت کے لئے خدمات کو خراج عقیدت پیش کرتے ہیں۔ انہوں نے دعا کی کہ اللہ تعالی مرحوم کو اپنے جوار رحمت میں اعلیٰ مقام اور اہل خانہ کو صبر جمیل عطا فرمائے۔

سیکرٹری ہیلتھ خیبرپختونخوا محمود اسلم وزیر نے کہا ہے کہ محکمہ صحت کے بروقت کوششوں اور عوام کی بھرپور تعاون سے پچھلے سال کے نسبت اس سال ڈینگی کیسزز بہت کم رپورٹ ہوئیں ہیں جو ایک خوش آئند بات ہے۔

انہوں نے عوام سے اپیل کی ہے کہ موسمی حالات کے پیش نظر ہم ڈینگی کو نظر انداز نہیں کرسکتے اور اس کی روک تھام کے لیے مل کر بھرپور کوشش جاری رکھیں گے۔

محکمہ صحت خیبرپختونخوا کے اعداد وشمار کے مطابق پچھلے سال ستمبر ،2022 تک پورے صوبے میں 6017 ڈینگی کے مثبت کیسزز رپورٹ ہوئی تھی، جبکہ اس سال ستمبر 2023 تک خیبرپختونخوا میں صرف 156 کیسزز رپورٹ ہوئی ہیں جو کہ محکمہ صحت کی بروقت حکمت عملی کا نتیجہ ہیں۔

سیکرٹری ہیلتھ نے تفصیل سے بتایا کہ صوبے بھر میں میڈیکل اینٹومولوجسٹ ایک منظم طریقے سے ویکٹر بورن ڈیزیز خاص طور پر ڈینگی کنٹرول اور روک تھام میں تکنیکی کردار ادا کررہے ہیں۔

انہوں نے مزید بتایا کہ جنوری سے ستمبر تک ڈینگی کے تصدیق شدہ کیسز کی مجموعی تعداد 156 ہے جو کہ پچھلے سال کے مقابلے میں نہ ہونے کے برابر ہیں۔

سیکرٹری ہیلتھ نے محکمہ صحت کی ٹیموں کی کارکردگی بتاتے ہوئے کہا کہ ایل ایچ ڈبلیوز کی جانب سے ایک ہفتے کے دوران صوبے بھر میں کل 312760 گھروں کا معائنہ کیا گیا، جبکہ ان میں سے 710 گھروں میں ڈینگی لاروا مثبت پایا گیا جس کو فوری طور پر کیمیکل ٹریٹمنٹ اور مکینیکل صفائی کے ذریعے تلف کردیا گیا۔

اسی طرح محکمہ صحت کے ٹیموں نے مختلف علاقوں میں 54292 افراد کے ساتھ ڈینگی کنٹرول اور بچاؤ کے احتیاطی پیغامات کا اشتراک کیا اور 285237 خواتین کو لیڈی ہیلتھ ورکرز سے ڈینگی سے بچاؤ اور آگاہی کے پیغامات موصول ہوئے۔

جہاں ڈینگی پازیٹو مقامات اور ڈینگی کے مثبت کیسز کی نشاندہی ہوئی تھی ان علاقوں میں مختلف مقامات پر 63 سیمینارز اور واکس کا انعقاد کیا گیا جبکہ ڈینگی سیشن کے دوران ڈینگی انفیکشن سے متعلق 19533 بروشرز تقسیم کیے گئے۔

سیکرٹری ہیلتھ نے حصوصی طور پر ڈویژنل کمشنرز، ڈسٹرکٹ ڈپٹی کمشنرز، علماء کرام اور سول ڈیفنس کے رضاکاروں کا شکریہ ادا کرتے ہوئے کہا کہ انہوں نے اپنے اپنے لیول پر ذمداری ادا کی اور ڈینگی سے متعلق لوگوں کو آگاہ کرنے میں اپنا کردار ادا کرکے محکمہ صحت کے شانہ بہ شانہ کھڑے رہے۔

علماء کرام نے جمعے کے دن خصوصی تقاریر میں صفائی ستھرائی کے افادیت پر بات کی۔ اسی طرح سول ڈیفنس کے رضاکاروں نے گھر گھر جا کر لوگوں سے ملاقات کی اور ان کو ڈینگی وائرس کے خطرات، اور لاروا تلف کرنے کے بارے میں آگاہ کیا۔

سیکرٹری ہیلتھ نے مذید کہا کہ یہ پورہ عمل عوام کے تعاون کے بغیر ناممکن تھا۔ انہوں نے عوام سے اپیل کہ ہے کہ اس کار خیر میں محکمہ صحت کا ساتھ دیں، ان کے ٹیموں سے تعاون کریں تاکہ ہمارہ یہ صوبہ ان خطرناک بیماریوں سے پاک ہوسکے۔