وزیر اعلیٰ خیبر پختونخواکے معاون خصوصی برائے ہاؤسنگ ڈاکٹر امجد علی سے نئے تعینات سیکرٹری ہاؤسنگ محمود اسلم نے منگل کے روز پشاور میں ملاقات کی اور محکمہ ہاؤسنگ کے منصوبوں پر تبادلہ خیا ل کیا۔ اس موقع پر معاون خصوصی نے سیکرٹری ہاؤسنگ کو مختلف ہاؤسنگ سکیموں کی تکمیل کے حوالے سے ہدایات جاری کرتے ہوئے کہا کہ صوبے کے مختلف ڈویژنوں میں جاری ہاؤسنگ منصوبوں پرترقیاتی کاموں کی کڑی نگرانی کی جائے اور جتنے بھی ہاؤسنگ منصوبے ہاؤسنگ اتھارٹی کی زیری نگرانی جا رہی ہیں ان کی بروقت تکمیل کو یقینی بنایا جائے۔ سیکرٹری ہاؤسنگ نے اس موقع پر جاری منصوبوں کو بروقت مکمل کرنے کے عزم کا اظہار کرتے ہوئے کہا کہ وہ شب و روز ایک کرتے ہوئے تمام ہاؤسنگ منصوبوں کو جدید دور کی سہولیات اور تقاضوں سے ہم آہنگ کرنے میں دستیاب وسائل کے مطابق کوئی کسر نہیں چھوڑیں گے تاکہ صوبے کے عوام کے رہائشی مسائل ترجیحی بنیادوں پر حل ہوں۔معاون خصوصی نے مزید ہدایت کی کہ ہاؤسنگ منصوبوں کی تکمیل میں معیار مقدار اور شفافیت کو مقدم رکھا جائے تاکہ تمام ہاؤسنگ سکیمیں وزیر اعلیٰ خیبر پختونخواعلی امین گنڈاپور کے وژن کے مطابق مکمل ہو سکیں۔

خیبرپختونخوا کے وزیر برا ئے ایکسائز اینڈ ٹیکسیشن خلیق الرحمان کی سربراھی میں محکمہ ایکسائز کا ماہوار جائزہ اجلاس منعقد ہوا۔ جس میں سیکرٹری ایکسائز فیاض علی شاہ اور ڈی جی ایکسائز سمیت دیگر متعلقہ افسران نے شرکت کی۔اجلاس میں ای ٹی اوز نے اپنے متعلقہ علاقوں کے ٹیکس اور ریونیو محصولات کے اعداد شمار اور اہداف سے صوبائی وزیر کو آگاہ کیا۔ وزیر موصوف نے مجموعی کارکردگی پراطمینان کا اظہار کیا تاہم انہوں نیای ٹی اوز کو تاکید کی تمام بقایا جات کے حوالے سے اقدامات تیز کرتے ہوئیجلد از جلد بقایا جات کا حصول ممکن بنائیں انہوں نے کہا کہ قانونی کیسز کے حوالے سے ایک کمیٹی بنائی جائیگی۔ صوبائی وزیر نے ای ٹی اوز کو تاکید کی کہ زیادہ سے زیادہ گاڑیوں کو ریجسٹرڈ کروائیں اس حوالے سے بھرپور تشہیر کی جائے تاکہ عوام اس سہولت سے فائدہ اٹھائیں۔ صوبائی وزیر نے تمام ای ٹی اوز کو سختی سے تاکید کی سال کے آخر تک نہ صرف محصولات کے اہداف کو پورا کرنا ہے بلکہ اس زیادہ کا ٹیکس ریونیو بھی اکٹھا کرناہے۔

محکمہ خوراک خیبرپختونخوا کے راشننگ کنٹرولر آفس پشاور نے گزشتہ ہفتے کے دوران گرانفروشوں، ذخیرہ اندوزوں کیخلاف کی گئی کارروائیوں کی تفصیلات جاری کر دی ہیں، جن کے مطابق پشاور شہر اور مضافات میں مختلف خوراک سے وابستہ کاروباروں کی چیکنگ کی گئی۔محکمہ خوراک راشننگ کنٹرولر آفس کے حکام کے مطابق انسپکشن ٹیموں نے قصائیوں، سبزی و فروٹ فروشوں، ہوٹلوں، بیکریوں، جنرل سٹورز اور دیگر کاروباری مراکز کی چیکنگ کی۔ اورسرکاری نرخ نامے کی خلاف ورزی اور گرانفروشی پر 16 قصائیوں اور 4 دودھ فروشوں کو جیل بھیج دیا گیا، جب کہ 38 افراد کے خلاف ایف آئی آر درج کیں اور 60 افراد کو گرفتار کر لیا گیا۔اسی دوران 285 کاروباریوں پر خوراک کے قوانین کی خلاف ورزی پر لاکھوں روپے کے جرمانے بھی عائد کیے گئے۔صوبائی وزیر خوراک ظاہر شاہ طورو نے کامیاب کاروائیوں پر انسپکشن ٹیموں کیاقدامات کو سراہا اور کہا کہ صوبہ بھر میں گرانفروشی، ذخیرہ اندوزی اور غیر معیاری خوراک کے خلاف کریک ڈاؤن جاری ہے۔ انہوں نے واضح کیا کہ سرکاری نرخ ناموں اور خوراک کے معیار کو یقینی بنانے کے لیے ضلعی انتظامیہ، خیبرپختونخوا فوڈ اتھارٹی اور محکمہ خوراک کے افسران بلا تعطل کارروائیاں کر رہے ہیں۔وزیر خوراک نے عوام سے بھی اپیل کی کہ وہ گرانفروشی، ذخیرہ اندوزی یا غیر معیاری خوراک کی فروخت کی شکایت درج کروانے کے لیے خیبرپختونخوا فوڈ اتھارٹی کی جانب سے قائم شکایات سیل کے ٹول فری نمبر 0800-37432 یا واٹس ایپ نمبر 0345-1009348 پررابطہ کریں۔

پشاور ڈیولپمنٹ اتھارٹی (پی ڈی اے) کے ڈائریکٹر جنرل نے صوبائی وزیر مینا خان آفریدی، ایم این اے آصف خان اور چیف سیکرٹری خیبر پختونخوا شہاب علی شاہ کو پشاور میں جاری اور مستقبل کے ترقیاتی منصوبوں پر بریفنگ دی، جن کا مقصد صوبائی دارالحکومت کو جدید خطوط پر استوار کرنا ہے۔ اجلاس میں بنیادی منصوبوں پر تبادلہ خیال کیا گیا، جن میں ٹریفک کے مسائل کا حل، شہر کی خوبصورتی میں اضافہ، اراضی کا مؤثر استعمال، اور حیات آباد و ریگی ماڈل ٹاؤن شپس کی ترقی شامل ہے۔ ٹریفک کی روانی بہتر بنانے کے لیے سات اہم مقامات—بورڈ بازار، اسلامیہ کالج، یونیورسٹی آف پشاور، اور یونیورسٹی ٹاؤن سمیت دیگر مقامات—کی نشاندہی کی گئی، جہاں مختلف اقدامات کیے جائیں گے۔ اجلاس کو رنگ روڈ کے نامکمل حصے کی پیش رفت پر بھی آگاہ کیا گیا، جو ورسک روڈ کو ناصر باغ روڈ سے جوڑے گا، جبکہ موٹر وے جنکشن پر ایک نیا بس ٹرمینل تعمیر کرنے کا منصوبہ بھی زیر غور آیا۔ حکام نے بتایا کہ چمکنی پارک اینڈ رائیڈ سہولت مکمل ہو چکی ہے، جبکہ ورسک گریویٹی کینال پر ناصر باغ روڈ کے آغاز میں یوٹرن کے لیے تعمیر کیا گیا پل محض 30 دن میں مکمل کیا گیا۔
چیف سیکرٹری خیبر پختونخوا شہاب علی شاہ نے ترقیاتی منصوبوں کی مؤثر نگرانی کے لیے پی ڈی اے کو ایک ٹریکنگ شیٹ تیار کرنے کی ہدایت دی تاکہ منصوبوں کی پیش رفت کو قریب سے مانیٹر کیا جا سکے۔ انہوں نے اس بات پر بھی زور دیا کہ ترقیاتی منصوبے پشاور ماسٹر پلان سے ہم آہنگ ہونے چاہئیں اور ٹریفک مسائل کے حل کے لیے ایک جامع مطالعہ کیا جانا چاہیے۔ پی ڈی اے نے شہر کی خوبصورتی اور ماحولیاتی بہتری کے لیے ایک وسیع شجرکاری مہم کا آغاز کیا ہے، جس کے تحت شہر بھر میں 82,400 پودے لگائے جائیں گے۔ اس کے علاوہ، اجلاس میں پبلک پرائیویٹ پارٹنرشپ کے تحت نئے ترقیاتی منصوبوں پر بھی تبادلہ خیال کیا گیا، تاکہ شہری ترقی کے عمل کو تیز کیا جا سکے۔ چیف سیکرٹری نے اس موقع پر کہا کہ پشاور خیبر پختونخوا کا چہرہ ہے اور اسے ایک جدید، خوبصورت اور سہولتوں سے آراستہ شہر بنانے کے لیے پی ڈی اے کا کردار کلیدی ہے۔ انہوں نے پشاور کے مثبت تشخص کو اجاگر کرنے اور سرمایہ کاروں و سیاحوں کے لیے اسے مزید پرکشش بنانے کی ضرورت پر بھی زور دیا۔

خیبر پختونخوا کے صوبائی وزیر برائے پبلک ہیلتھ انجینئرنگ پختون یار خان نے میڈیا کے نمائندوں سے مختصر گفتگو کرتے ہوئے کہا کہ بنوں کینٹ دھماکوں میں جاں بحق اور زخمی ہونے والے افراد میں امدادی رقوم تقسیم کر دی گئی ہیں جبکہ جن کے گھروں کو نقصان پہنچا تھا ان کے نقصانات کا سروے بھی مکمل کر لیا گیا ہے بہت جلد گھروں کے نقصانات کا ازالہ بھی کیا جائے گا انہوں نے کہا کہ بنوں امن پاسون میں جاں بحق اور زخمی افراد کے لواحقین میں بھی جلد امدادی چیکس تقسیم کئے جائیں گے وزیر اعلیٰ خیبر پختونخوا علی امین گنڈا پور مشران کی موجودگی میں لواحقین میں امدادی چیکس تقسیم کریں گے ہماری موجودہ حکومت عوامی مسائل اور امن و امان کے قیام سے غافل نہیں بلکہ اس حوالے سے سنجیدہ اقدامات کر رہی ہے انہوں نے مزید کہا کہ خیبر پختونخوا کے عوام پہلے ہی مختلف مسائل کا شکار ہیں ہم انہیں مزید آزمائش میں نہیں ڈال سکتے ہم عوام کو سہولیات فراہم کرنے کیلئے آئے ہیں اور خیبر پختونخوا کی حکومت عوام کو خوشحالی، امن اور ترقی کی راہ پر گامزن کرے گی اور یہی ہمارا منشور بھی ہے۔

خیبر پختونخوا کے وزیر سماجی بہبود و ترقی نسواں سید قاسم علی شاہ نے عالمی یوم خواتین کے موقع پر اپنے ایک بیان میں کہا ہے کہ8 مارچ کو دنیا بھر میں عالمی یومِ خواتین منایا جاتا ہے، کسی بھی معاشرے کی ترقی اس وقت تک ممکن نہیں جب تک وہاں کی خواتین تعلیم یافتہ، مضبوط اور خودمختار نہ ہوں، خیبر پختونخوا حکومت خواتین کی ترقی اور حقوق کے تحفظ کے لیے پوری طرح پرعزم ہے۔انہوں نے کہا کہ صوبے میں خواتین کی تربیت کے لیے مختلف اقدامات کیے جا رہے ہیں، پہلے صرف روایتی ہنر جیسے سلائی اور کڑھائی سکھائے جاتے تھے لیکن اب ای-کامرس اور مصنوعی ذہانت (AI) جیسے جدید شعبوں میں بھی تربیت دی جائے گی، جلد ہی پشاور میں ای-کامرس اور AI سکول کا افتتاح کیا جا رہا ہے اور مستقبل میں یہ سہولت پورے صوبے میں فراہم کی جائے گی۔وزیرِ اعلیٰ سردار علی امین گنڈا پور کی قیادت میں خیبر پختونخوا میں خواتین کو بااختیار بنانے کے لیے بڑے اقدامات کیے جا رہے ہیں، والدین کو چاہیے کہ وہ اپنی بیٹیوں کو تعلیم دیں اور ان کی بہتر تربیت کریں تاکہ وہ خودمختار بن سکیں، حکومت ان تمام خواتین کا مکمل ساتھ دے گی جو ترقی کی راہ میں درپیش چیلنجز کا سامنا کر رہی ہیں، وہ وقت دور نہیں جب خیبر پختونخوا کی ہر عورت ہنر مند، خود مختار اور مضبوط ہوگی۔

خیبرپختونخوا کے وزیر برائے لائیو سٹاک، فشریز و کوآپریٹیو فضل حکیم خان نے فیض آباد سیدو شریف کا دورہ کیا انہوں نے مقامی لوگوں اور تاجر برادری سے ملاقاتیں کیں اس موقع پر لوگوں اور دکانداروں نے صوبائی وزیر کو اپنے انفرادی اور اجتماعی مسائل سے آگاہ کیا جنہیں فضل حکیم خان یوسفزئی نے انتہائی غور سے سنا اور انکے مناسب حل کی یقین دہانی کرائی جبکہ بعض مسائل کو موقع پر متعلقہ افسران سے رابطہ کرکے حل بھی کیا اس موقع پر صوبائی وزیر فضل حکیم خان یوسفزئی کا کہنا تھا کہ اللہ تعالیٰ نے خدمت خلق کا جو موقع عطا کیا ہے اسے عبادت سمجھ کر نبھارہے ہیں زندگی کی ہر سانس خدمت انسانیت کیلئے وقف کر رکھی ہے جب تک جان میں جان ہے عوام کی بے لوث خدمت کرتا رہوں گا فضل حکیم خان کا کہنا تھا کہ ہم ہر صورت میں عوام کے سامنے جوابدہ ہے ہماری کوشش اور خواہش ہے کہ خیبرپختونخوا کے تمام اضلاع خصوصاََ حلقہ پی کے 6 کے لوگوں کی تمام محرومیوں کا ازالہ احسن طریقے سے کرسکیں انہوں نے کہا کہ تمام سرکاری محکموں کے افسران کو ہدایت جاری کی ہے کہ رمضان المبارک کے مقدس مہینے میں عوام کو تمام بنیادی سہولیات ان کی دہلیز پر پہنچائیں اور عوام کا خاص خیال رکھا جائے اور عوام کو مکمل ریلیف فراہم کریں انہوں نے کہا کہ عوام کو جائز حق دینے کیلئے ہم خود بھی عوام کے درمیان موجود ہیں تاکہ براہ راست عوامی شکایات سے باخبر رہیں اور ان کا بروقت ازالہ کرسکیں۔