خیبر پختونخوا کے وزیر برائے آبنوشی فضل شکورخان کی زیرِ صدارت محکمہ پبلک ہیلتھ انجینئرنگ میں پوسٹنگ و ٹرانسفر پالیسی سے متعلق ایک اہم اجلاس منعقد ہوا جس میں چیف انجینئر ساؤتھ اور ڈائریکٹر ٹیکنیکل نے شرکت کی۔اجلاس میں محکمہ کے افسران اور دیگر سٹاف کی پوسٹنگ و ٹرانسفر کے عمل کو شفاف، منصفانہ اور قواعد و ضوابط کے مطابق بنانے کے لیے جامع پالیسی کی تیاری پر غور کیا گیا صوبائی وزیر نے اس موقع پر کہا کہ محکمہ کی کارکردگی بہتر بنانے کے لیے ایک واضح اور قابلِ عمل پوسٹنگ و ٹرانسفر پالیسی ناگزیر ہے، تاکہ میرٹ اور انتظامی ضروریات کو یکساں طور پر مدنظر رکھا جا سکے۔صوبائی وزیر نے متعلقہ افسران کو ہدایت کی کہ وہ محکمہ کی ضروریات، فیلڈ کی عملی صورتحال اور دستیاب افرادی قوت کو سامنے رکھتے ہوئے جلد از جلد ایک جامع پوسٹنگ و ٹرانسفر پالیسی کا مسودہ تیار کریں، جس میں شفافیت، مساوی مواقع اور ادارہ جاتی نظم و ضبط کو یقینی بنایا جائے اجلاس میں صوبائی وزیر نے محکمہ کی پلیسمنٹ کمیٹی کے کردار پر بھی زور دیتے ہوئے ہدایت کی کہ پلیسمنٹ کمیٹی کے کوارٹرلی بنیادوں پر باقاعدہ اجلاس منعقد کیے جائیں، تاکہ پوسٹنگ و ٹرانسفر سے متعلق فیصلے بروقت، مشاورت کے ساتھ اور قواعد کے مطابق کیے جا سکیں۔ انہوں نے کہا کہ باقاعدہ اجلاسوں کے انعقاد سے نہ صرف انتظامی امور میں بہتری آئے گی بلکہ افسران اور عملے کے تحفظات کا بروقت ازالہ بھی ممکن ہو سکے گا۔صوبائی وزیر نے کہا کہ محکمہ پبلک ہیلتھ انجینئرنگ میں گڈ گورننس، شفافیت اور ادارہ جاتی مضبوطی کے لیے تمام ضروری اقدامات کیے جائیں گے، اور پوسٹنگ و ٹرانسفر پالیسی کی حتمی منظوری کے بعد اس پر مکمل عملدرآمد کو یقینی بنایا جائے گا۔

خیبرپختونخوا فوڈ سیفٹی اینڈ حلال فوڈ اتھارٹی نے خفیہ اطلاع پر پشاور کے مختلف علاقوں میں مضرِ صحت اور غیر معیاری مصالحہ جات اور جعلی ٹماٹر کیچپ تیار کرنے والے یونٹس کے خلاف بڑی کارروائیاں کرتے ہوئے بھاری مقدار میں ملاوٹی اشیاء ضبط کر کے موقع پر تلف کر دیں۔ترجمان فوڈ اتھارٹی نے تفصیلات جاری کرتے ہوئے بتایا کہ گزشتہ روز پشاور کی فوڈ سیفٹی ٹیموں نے کارروائی کے دوران ایک مصالحہ جات تیار کرنے والی یونٹ سے 400 کلوگرام ملاوٹی مصالحہ جات، چوکر اور استعمال شدہ ناقابلِ استعمال تیل برآمد کر کے ضبط کر لیا۔ یونٹ میں صفائی کے ناقص انتظامات اور غیر معیاری خام مال کا استعمال بھی پایا گیا۔اسی طرح فوڈ سیفٹی ٹیموں نے دو جعلی ٹماٹر کیچپ تیار کرنے والے یونٹس کے خلاف بھی کارروائی کی، جہاں سے 1200 لیٹر مضرِ صحت جعلی و مضر صحت ٹماٹر کیچپ برآمد کر کے موقع پر تلف کر دیا گیا جبکہ دونوں یونٹس کو سیل کر دیا گیا۔ترجمان نے مزید بتایا کہ حفظانِ صحت کے اصولوں کی سنگین خلاف ورزیوں پر متعلقہ مالکان پر بھاری جرمانے عائد کر دیے گئے ہیں جبکہ مزید قانونی کارروائی کا آغاز بھی کر دیا گیا ہے۔ڈائریکٹر جنرل خیبرپختونخوا فوڈ سیفٹی اینڈ حلال فوڈ اتھارٹی کاشف اقبال جیلانی نے کامیاب کاروائیوں پر فوڈ سیفٹی ٹیموں کو سراہتے ہوئے کہا کہ شہریوں کی صحت سے کھیلنے والوں کے خلاف کسی قسم کی رعایت نہیں برتی جائے گی اور فوڈ سیفٹی قوانین پر ہر صورت عملدرآمد یقینی بنایا جائے گا۔

خیبر پختونخوا کابینہ کی قائم کردہ کمیٹی کا اجلاس بدھ کے روز صوبائی وزیر ابتدائی و ثانوی تعلیم اور کمیٹی کے چیئر مین ارشد ایوب خان کی زیر صدارت پشاور میں منعقد ہوا،جس میں وزیرریلیف و آبادکاری عاقب اللہ خان،سیکر ٹری ایلیمنٹری اینڈ سیکنڈری ایجوکیشن محمد خالد،کمیٹی کے ممبران اور متعلقہ حکام نے شرکت کی۔اجلاس میں پشاور پبلک سکول اینڈ کالج کے لئے قائم کردہ سب کمیٹی کی سفارشات پر تفصیلی جائزہ لیا گیا اور پشاور پبلک سکول اینڈکالج کے منفردمعیار کی بحالی کے لئے موثر اور سود مند اقدامات اٹھانے کی تجاویز پیش کی گئیں۔ اسی طرح اجلاس میں پشاور پبلک سکول اینڈکالج میں اعلیٰ تعلیمی معیار اورادارے میں پڑھنے والے بچوں کی صحیح تربیت کے لئے دیگر امور کے ساتھ ساتھ نہم تا بارھویں جماعت تک تمام مضامین ماہر اساتذہ سے پڑھائے جانے کی بھی سفارشات پیش کی گئیں۔اجلاس میں ادارے کے ذہین اور قابل بچوں کی حوصلہ افزائی کے لئے فری تعلیمی سہولیات دینے کی بھی تجویز دی گئی۔ اس موقع پر خطاب کرتے ہوئے کمیٹی کے چیئر مین اورصوبا ئی وزیر تعلیم نے کہا کہ وزیر اعلیٰ خیبر پختونخوا کی خصوصی ہدایات کی روشنی میں پشاور پبلک سکول اینڈ کالج میں سہولیات کی کمی کو پورا کرنے اور طلبہ کو بہترین تعلیمی ماحول کی فراہمی صوبائی حکومت کی اولین ترجیحات میں شامل ہے اور پشاور پبلک سکول اینڈ کالج جیسے تعلیمی ادارے کو فروغ تعلیم کے سلسلے میں تمام تر ممکنہ سہولیات کی فرا ہمی میں کو ئی کسر نہیں چھوڑی جائے گی تاکہ یہ ادارہ اپنا سابقہ معیار قائم رکھ سکے۔انہوں نے کہا کہ اس ادارے پر عوام کا اعتماد بحال رکھنے کے لئے ضروری ہے کہ اس کو ایک ماڈل کے طور پر ترقی دی جائے تاکہ اس میں زیادہ سے زیادہ بچے داخلہ لے سکیں۔

وزیراعلیٰ خیبرپختونخوا کے معاون خصوصی برائے اطلاعات و تعلقات عامہ شفیع جان نے وزیر مملکت طلال چوہدری کے بیان پر ردعمل دیتے ہوئے کہا ہے کہ طلال چوہدری کے الزامات سراسر حقائق کے منافی اور سیاسی بدنیتی پر مبنی ہیں، وفاقی اور پنجاب حکومت کے جعلی وزراء کی جانب سے نوجوان وزیراعلیٰ خیبرپختونخوا سہیل آفریدی کے خلاف مسلسل منظم پراپیگنڈا مہم چلائی جا رہی ہے جو انتہائی قابل مذمت ہے، کبھی انہیں افغانستان سے اور کبھی دہشت گردوں سے جوڑنے کی ناکام کوششیں کی جا رہی ہیں،معاون خصوصی شفیع جان نے کہا کہ عظمیٰ بخاری، اختیار ولی، طلال چوہدری اور عطا تارڑ کو صوبائی حکومت کے خلاف الزام تراشی کے لیے باقاعدہ طور پر بھرتی کیا گیا ہے جو روزانہ میڈیا پر آکر عوام کو گمراہ کرنے کی کوششیں کررہے ہیں اور مسلسل پاکستان تحریک انصاف کی منتحب حکومت کے عوامی مینڈیٹ کا مذاق اڑا رہے ہیں لیکن انکو یہ سمجھنا چاہیے کہ قوم باشعور ہے وہ انکے دھوکے میں نہیں آئے گی۔۔ شفیع جان نے کہا کہ فارم 47 کے ذریعے وفاق پر زبردستی مسلط کی گئی حکومت نے پارلیمان کو ہائی جیک کیا ہے،تاہم پاکستان تحریک انصاف کی منتخب صوبائی حکومت کے خلاف کسی قسم کی مزید ہرزہ سرائی برداشت نہیں کی جائے گی۔انہوں نے کہا کہ وفاقی حکومت منتخب صوبائی حکومت کے خلاف ہرزہ سرائی بند کرے، جعلی وزراء نے عوامی عدالت میں مقابلہ کرنے کی بجائے الزامات کی سیاست کو اپنا شعار بنا لیا ہے،امن و امان پر بات کرتے ہوئے معاون خصوصی شفیع جان نے کہا کہ خیبرپختونخوا کے ہر ضلع میں دہشت گردی کے خلاف امن جرگے منعقد کیے گئے ہیں۔ نوجوان وزیراعلیٰ سہیل آفریدی نے قیام امن کے لیے صوبائی اسمبلی میں ایک عظیم الشان امن جرگے کا انعقاد کیا، جس میں تمام اسٹیک ہولڈرز بشمول اپوزیشن نے شرکت کی۔ اس جرگے میں امن و امان کے حوالے سے پندرہ نکات پر اتفاق رائے ہوا جن کے دستخط شدہ فیصلے موجود ہیں،انہوں نے کہا کہ صوبائی حکومت نے امن و امان کو یقینی بنانے کے لیے سی ٹی ڈی اور اسپیشل برانچ کی استعداد کار میں اضافے کے لئے 31 ارب روپے کی منظوری دیدی ہے انھوں نے کہا کہ دہشت گردی کے حوالے پہلے دن سے پاکستان تحریک انصاف کی پالیسی واضح ہے دہشت گردی کے خاتمے کے لیے عملی اور ٹھوس اقدامات کیے جا رہے ہیں، انھوں نے واضح کیا کہ صوبائی حکومت عوام کے جان و مال کے تحفظ کے لیے پرعزم ہے اور اس ضمن میں تمام دستیاب وسائل بروئے کار لائے جارہے ہیں۔

خیبرپختونخوا حکومت کی منشیات کے خلاف زیرو ٹالرنس پالیسی اور صوبائی وزیر ایکسائز، ٹیکسیشن و نارکوٹکس کنٹرول سید فخر جہان کے ہدایات کی روشنی میں صوبہ بھر میں جاری انسداد منشیات آپریشن کے تسلسل میں محکمہ ایکسائز و ٹیکسیشن اور نارکوٹکس کنٹرول نے ایک اور بڑی کامیابی حاصل کی ہے۔نوشہرہ عجب باغ چیک پوسٹ تھانہ ایکسائز مردان کی جانب سے کی گئی کارروائی میں منشیات کی بھاری مقدار سمگل کرنے کی کوشش ناکام بنا دی گئی اور 5.25 من (210000 گرام) چرس برآمد کرکے مقدمہ درج کیا گیا۔ ماجد خان ایکسائز اینڈ ٹیکسیشن آفیسر نارکوٹکس کنٹرول اور عاکف نواز خان سرکل آفیسر کے زیر نگرانی عماد خان ایس ایچ او تھانہ ایکسائز مردان کی سربراہی میں لال گل خان سب انسپکٹر انچارج چوکی عجب باغ نے بمعہ دیگر نفری عجب باغ چیک پوسٹ پر کاروائی کے دوران بھاری مقدار میں منشیات سمگلنگ کی کوشش ناکام بناتے ہوئے دوران تلاشی گاڑی نمبری LES 8670 سے دوران تلاشی 5.25 من (210000 گرام) چرس برآمد کی اور مذید تفتیش اور قانونی کاروائی کے لئے تھانہ ایکسائز مردان میں مقدمہ درج کر دیا گیا۔صوبائی وزیر ایکسائز سید فخر جہان نے واضح کیا ہے کہ منشیات کی سمگلنگ اور فروخت میں ملوث عناصر کے خلاف زیرو ٹالرنس پالیسی پر ہر صورت عمل درآمد یقینی بنایاجائیگا۔ معاشرے اور نئی نسل کو منشیات کے ناسور سے پاک کرنے کیلئے ایکسائز فورس کو مزید متحرک اور مؤثر بنانے کے لیے تمام وسائل بروئے کار لائے جا رہے ہیں۔ انہوں نے کہا کہ چیئر مین عمران خان کے ویژن اور وزیر اعلی خیبرپختونخوا محمد سہیل آفریدی کی قیادت میں منشیات سے پاک معاشرے کی تشکیل کیلئے ہرممکن قدم اٹھائیں گے۔

An online Khuli Kachari held under chairmanship of Secretary Livestock, Fisheries & Cooperative, Zareef-ul-Ma‘ani, in line with provincial government’s Good Governance Roadmap. During the session, public issues were heard directly. Khuli Kachari was attended by Additional Secretary Livestock, Fisheries & Cooperative, Director General Livestock (Extension) Dr. Asal Khan, Director General Livestock Research Dr. Ijaz Ali, Director General Fisheries Shafi Marwat and Director Livestock Merged Districts Dr. Mir Ahmad along with other senior officials of the department.Addressing the online Khuli Kachari Secretary Livestock, Fisheries & Cooperative Zareef-ul-Ma‘ani said that livestock sector serves as backbone of national economy, with even greater significance in rural areas. Livestock contributes approximately 25 percent to the GDP; however, funding allocation is not commensurate with this share.He added that livestock sector can play a key role in poverty alleviation. In the upcoming review meeting, detailed deliberations will be held on updating district profiles. He further stated that a dedicated app is being introduced for vaccine utilization and monitoring, while new schemes for trained professionals in the veterinary sector will also be launched soon.Secretary livestock directed that veterinary doctors posted at veterinary hospitals must refrain from private practice during official working hours. If, due to necessity, a doctor is required to go on a field visit, at least one veterinary doctor must remain present at the hospital to ensure uninterrupted treatment facilities for livestock farmers. Any negligence in providing public services during official hours will not be tolerated.He further stated that entire leadership of department participated in the Khuli Kachari. Under provincial government’s Good Governance Roadmap, this series of online Khuli Kachari will continue regularly at all levels to ensure direct resolution of public issues. He informed that, in addition to calls from stakeholders associated with the livestock sector, calls were also received from departmental employees. department is making serious efforts to resolve employees’ issues, and it has been decided to hold a separate Khuli Kachari specifically for employees. The next open Khuli Kachari will be held for the fisheries sector, while Khuli Kachari will be ensured at all levels for staff.During the online Khuli Kachari members of the public presented their issues related to livestock, fisheries, and cooperatives in detail.Secretary Zareef-ul-Ma‘ani listened attentively to the public grievances and issued immediate directives to the concerned officers for their timely and effective resolution.On the occasion, Secretary Livestock, Fisheries & Cooperative stated that the government is prioritizing the resolution of public issues and purpose of holding Khuli Kachari is to establish direct communication between public and department so that issues can be identified and resolved promptly.He directed that implementation on received complaints must be ensured and that no negligence should be shown in providing relief to the public.