وزیراعلیٰ خیبر پختونخوا کے مشیر برائے زراعت میاں محمد عمر سے ورلڈ بینک کے ایک اعلیٰ سطحی وفد نے جمعرات کے روز خیبر پختونخوا ہاؤس اسلام آباد میں ملاقات کی۔ ملاقات کے دوران صوبے میں مجوزہ زرعی ترقیاتی منصوبے کے مختلف پہلوؤں، اہداف اور متوقع نتائج پر تفصیلی تبادلہ خیال کیا گیا۔ورلڈ بینک وفد نے مشیر زراعت کو بریفنگ دیتے ہوئے بتایا کہ مجوزہ منصوبہ 171 ملین امریکی ڈالر کے انٹرنیشنل ڈویلپمنٹ ایسوسی ایشن (IDA) کریڈٹ کے ذریعے مالی معاونت حاصل کرے گا۔ منصوبے کا مقصد خیبر پختونخوا میں زرعی پیداوار اور پیداواری استعداد میں اضافہ، آبپاشی کے نظام کی جدید خطوط پر بہتری، چھوٹے کاشتکاروں کی تکنیکی و ادارہ جاتی صلاحیتوں کا فروغ اور زرعی مصنوعات میں ویلیو ایڈیشن کے ذریعے کسانوں کی آمدن میں پائیدار اضافہ یقینی بنانا ہے۔اس موقع پر مشیر زراعت میاں محمد عمر نے کہا کہ خیبر پختونخوا حکومت زرعی شعبے کی جامع اور پائیدار ترقی کو اپنی ترجیحات میں سرفہرست رکھتی ہے اور کسان برادری کی فلاح و بہبود کے لیے عملی اقدامات جاری ہیں۔ انہوں نے کہا کہ ورلڈ بینک کے اشتراک سے مجوزہ منصوبہ صوبے کے زرعی شعبے کی جدیدکاری، وسائل کے مؤثر استعمال اور دیہی معیشت کے استحکام میں نمایاں کردار ادا کرے گا۔انہوں نے مزید کہا کہ چھوٹے کاشتکار صوبے کی زرعی معیشت کا بنیادی ستون ہیں، لہٰذا ان کی استعداد کار میں اضافہ، جدید زرعی ٹیکنالوجی تک رسائی، موسمیاتی تبدیلیوں سے مطابقت رکھنے والی کاشتکاری کے فروغ اور منڈیوں تک بہتر رسائی کو یقینی بنانا حکومت کی اہم ترجیحات میں شامل ہے۔ ان کے مطابق اس منصوبے کے تحت کسانوں کو جدید مہارتوں، تکنیکی معاونت اور کاروباری مواقع کی فراہمی سے زرعی شعبے میں پیداواری صلاحیت، مسابقت اور پائیدار ترقی کو فروغ ملے گا۔ملاقات کے دوران دونوں فریقین نے منصوبے پر مؤثر اور بروقت عملدرآمد، ادارہ جاتی تعاون کے فروغ اور خیبر پختونخوا کے زرعی شعبے کی ترقی کے لیے باہمی اشتراک کو مزید مضبوط بنانے کے عزم کا اظہار کیا۔ملاقات میں سیکرٹری زراعت خیبر پختونخوا ڈاکٹر محمد بختیار خان، ڈائریکٹر جنرل آن فارم واٹر مینجمنٹ حیات خان، ڈائریکٹر آن فارم واٹر مینجمنٹ رب نواز بھی موجود تھے۔

وزیر اعلیٰ کے مشیر برائے کھیل و امور نوجوانان تاج محمد خان ترند نے پاکستان بیڈمنٹن فیڈریشن کے تعاون سے بی ڈبلیو ایف لیول ون کوچنگ کورس جو ایبٹ آباد میں جاری ہے کا افتتاح کیا اور کوچز کی حوصلہ افزائی کی۔ یہ کوچنگ کورس خیبر پختونخوا بیڈمنٹن ایسوسی ایشن اور ڈائریکٹوریٹ جنرل اسپورٹس خیبر پختونخوا کے اشتراک سے منعقد کیا جا رہا ہے۔ بین الاقوامی کوچ سیم پینٹن شرکاء کو بی ڈبلیو ایف لیول ون کوچنگ کی تربیت فراہم کر رہے ہیں۔ مشیر کھیل خیبر پختونخوا تاج محمد ترن نے اپنے خطاب میں کہا کہ خیبر پختونخوا حکومت کھیلوں کے فروغ کے لیے کھلاڑیوں کے ساتھ ساتھ کوچز کی تربیت پر بھی خصوصی توجہ دے رہی ہے۔ انہوں نے کہا کہ جدید اور بین الاقوامی معیار کی کوچنگ کھلاڑیوں کی بہتر کارکردگی کے لیے ناگزیر ہے، اسی مقصد کے تحت مختلف کھیلوں میں کوچز کی استعداد کار بڑھانے کے لیے تربیتی پروگرامز کا انعقاد کیا جا رہا ہے۔ انہوں نے امید ظاہر کی کہ بی ڈبلیو ایف لیول ون کوچنگ کورس سے استفادہ کرنے والے کوچز صوبے میں بیڈمنٹن کے فروغ اور نئے ٹیلنٹ کی تربیت میں اہم کردار ادا کریں گے۔افتتاحی تقریب میں واجد علی چوہدری (ڈویلپمنٹ چیئرمین، بیڈمنٹن ایشیا، اور صدر پاکستان بیڈمنٹن فیڈریشن)،بلال خان پریزڈانٹ کے پی بیڈمنٹن ایسوسی ایشن ریجنل اسپورٹس آفیسر سلیمان خان، چیئرمین بورڈ عنایت اللہ خان اور حیات اللہ بیڈمنٹن کوچ بھی موجود تھے۔ اخر میں تمام مہمانوں کو شیلڈ دیا گیا۔ اس کورس کا مقصد پاکستان۔خیبر پختونخوا میں بیڈمنٹن کوچز کی صلاحیتوں میں اضافہ کرنا اور بین الاقوامی معیار کی کوچنگ کو فروغ دینا ہے، تاکہ پاکستان میں بیڈمنٹن کے کھیل کو مزید ترقی دی جا سکے۔

خیبرپختونخوا فوڈ سیفٹی اینڈ حلال فوڈ اتھارٹی کی فوڈ سیفٹی ٹیموں نے مردان اور ہری پور میں غیر معیاری اور مضرِ صحت خوراک کے خلاف بڑی کارروائیاں کرتے ہوئے بھاری مقدار میں ناقص خوراک تلف کر دی جبکہ خلاف ورزیوں میں ملوث یونٹس کے خلاف قانونی کارروائی کا آغاز کر دیا گیا۔ترجمان فوڈ اتھارٹی نے تفصیلات جاری کرتے ہوئے بتایا کہ مردان فوڈ سیفٹی ٹیم نے تخت بھائی کے علاقے میں مختلف آئس کریم فیکٹریوں کا معائنہ کیا۔ کارروائی کے دوران ایک یونٹ سے 400 کلو گرام سے زائد غیر معیاری اور ناقص آئس کریم برآمد کر کے موقع پر تلف کر دی گئی۔ معائنے کے دوران صفائی کی انتہائی ناقص صورتحال اور فوڈ سیفٹی قوانین کی خلاف ورزیاں سامنے آنے پر یونٹ کو سیل کر دیا گیا جبکہ بھاری جرمانہ عائد کرتے ہوئے مزید قانونی کارروائی بھی شروع کر دی گئی۔ فوڈ اتھارٹی ایکٹ کے تحت یونٹ میں استعمال ہونے والی مشینری بھی ضبط کر لی گئی۔ترجمان نے مزید بتایا کہ ہری پور فوڈ سیفٹی ٹیم نے حطار انڈسٹریل اسٹیٹ میں ایک کیچپ فیکٹری کا معائنہ کیا جہاں ایس او پیز کی خلاف ورزیوں اور زائد المیعاد پلپ کا استعمال پکڑا گیا۔ کارروائی کے دوران فیکٹری سے 800 کلو گرام سے زائد زائد المیعاد پلپ برآمد کر کے موقع پر تلف کر دیا گیا جبکہ فیکٹری کے کولڈ سٹوریج کو سیل کرتے ہوئے مزید قانونی کارروائی کا آغاز کر دیا گیا۔معاونِ خصوصی برائے خوراک ڈاکٹر محمد اسرار خان نے فوڈ سیفٹی ٹیموں کو سراہا اور متعلقہ حکام کو ہدایت کی کہ غیر معیاری، ملاوٹی اور مضرِ صحت خوراک کے کاروبار میں ملوث عناصر کے خلاف بلاامتیاز کارروائیاں مزید تیز کی جائیں۔ انہوں نے کہا کہ شہریوں کی صحت اور محفوظ خوراک پر کوئی سمجھوتہ نہیں کیا جائے گا اور عوام کی صحت سے کھیلنے والوں کے ساتھ کسی قسم کی رعایت نہیں برتی جائے گی۔انہوں نے مزید کہا کہ خیبرپختونخوا فوڈ اتھارٹی صوبے بھر میں خوراک کے معیار کو یقینی بنانے اور عوام کو محفوظ خوراک کی فراہمی کے لیے اپنی کارروائیاں جاری رکھے گی۔

مشیر خزانہ خیبرپختونخوا مزمل اسلم نے وفاقی بجٹ 2026-27 سے متعلق اہم بیان جاری کرتے ہوئے کہا ہے کہ مالی سال‏2026-27 کا بجٹ آخر کس کو منظور ہے حکومت کے اتحادی بھی بجٹ کو مسترد کر چکے ہیں۔ مزمل اسلم نے کہا کہ میڈیا کے مطابق آئی ایم ایف بھی بجٹ ریلیف مسترد کر چکی ہے اپوزیشن ممبران اور پی ٹی آئی بجٹ مسترد کر چکے ہیں۔ انہوں نے کہا کہ وفاق نے جو صوبوں سے گرانٹ کا تقاضہ کیا، کم از کم خیبر پختونخوا حکومت نے حامی نہیں بھری اور خیبرپختونخوا نے بانی پی ٹی آئی عمران خان صاحب سے بجٹ مشاورت کی شرط اور اجازت سے مشروط کیا ہے تو سوال یہ ہے آخر اس بجٹ سے کون خوش ہیں کیا یہ ناکامی میں نہیں اتا۔ ایک دوسرے بیان میں مشیر خزانہ خیبرپختونخوا مزمل اسلم نے پنجاب ٹوکن ٹیکس اضافہ پر ردعمل دیتے ہوئے کہا ہے کہ ‏خیبر پختونخوا کی ٹیکس کی شرح کریڈٹ کارڈ اور آن لائن پیمنٹ میں پوری پاکستان میں سب سے کم 6 فیصد ہے جبکہ پنجاب نے کریڈٹ کارڈز اور آنلائن کی شرح بڑھا کر 8 فیصد کردیا ہے۔ مزمل اسلم نے کہا کہ مقامی ٹیکسز گاڑی رجسٹریشن و جائیداد منتقلی ٹیکسز شرح خیبر پختونخوا میں سب سے کم ہے

خیبرپختونخوا کے وزیر آبپاشی ریاض خان نے بدھ کے روز ضلع خیبر کی تحصیل باڑہ میں 295 ملین روپے کی مجموعی لاگت سے دریائے باڑہ کنال سسٹم کی بحالی اور بہتری کے منصوبے کا باضابطہ افتتاح کر دیا۔
تقریب میں رکن صوبائی اسمبلی عبدالغنی آفریدی، سیکرٹری آبپاشی محمد عابد وزیر سمیت محکمہ کے دیگر افسران مقامی عمائدین اور لوگوں نے کثیر تعداد میں شرکت کی۔
اس موقع پر صوبائی وزیر کو مذکورہ منصوبے کے بارے میں تفصیلی بریفنگ دی گئی بریفنگ میں بتایاگیا کہ دریائے باڑہ کنال سسٹم مائنر D کے تعمیراتی کام اور بہتری کیلیے 123.370ملین روپے مختص کیے گئے ہیں اور کنال پیٹرول روڈ کے تعمیراتی کام اور بہتری پر 109.949 ملین روپے لاگت آئیگی جبکہ الائیڈ سٹرکچر باڑہ ریور کنال سسٹم کے تعمیراتی کام اور بہتری کیلیے 57.903,ملین روپے رکھے گئے ہے افتتاحی تقریب سے خطاب کرتے ہو ئے صوبائی وزیر آبپاشی نے کہا کہ وزیرِ اعلیٰ خیبر پختونخوا محمد سہیل آفریدی کی قیادت میں قبائلی اضلاع میں ترقیاتی کام تیزی سے جاری ہیں ماضی میں قبائلی اضلاع کو نظراندا زکیا گیاتھا انہوں نے کہا کہ موجودہ صوبائی حکومت قبائلی علاقوں میں ترقیاتی منصوبوں کے جال بچھاکر ترقی کی راہ پر گامزن کریگی انہوں نے کہا کہ قبائلی عوام کی محرمیوں کو دور کرکے انکو تمام بنیادی سہولیات کی فوری فراہمی کے لیے عملی اقدامات اٹھارہے ہیں انہوں نے کہا کہ باڑہ کنال سسٹم کی بحالی کا منصوبہ خیبر کے عوام کے لیے ایک نئی امید ہے جو زرعی پیداوار بڑھائے میں مددگار ثابت ہوگا
انہوں نے مزید کہا کہ موجودہ صوبائی حکومت بغیر کسی تفریق کے تمام اضلاع میں ترقیاتی منصوبے مکمل کر رہی ہے جس سے عوام بہت جلد مستفید ہو سکیں گے
صوبائی وزیر نے متعلقہ افسران کو واضح ہدایات جاری کیں کہ ترقیاتی منصوبوں میں شفافیت کو یقینی بنایا جائے تعمیراتی میٹریل اور کام کے معیار پر کوئی سمجھوتہ نہ کیا جائے اور منصوبوں کی بروقت تکمیل ہر صورت یقینی بنائی جائے۔

خیبرپختونخوا کے وزیر اطلاعات و تعلقاتِ عامہ شفیع جان نے کہا ہے کہ بانی پاکستان تحریک انصاف عمران خان کے وژن کے مطابق وزیراعلیٰ محمد سہیل آفریدی کی ولولہ انگیز قیادت میں صوبے میں تعلیم، صحت اور ترقیاتی شعبوں میں عملی اور تیز رفتار اقدامات جاری ہیں۔ انہوں نے 42.621 ملین روپے کی لاگت سے تعمیر کردہ گورنمنٹ ہائی سکول بہزادی چکرکوٹ، کوہاٹ میں نئی ہایئر سیکنڈری بلڈنگ کے افتتاح کے موقع پر خطاب کرتے ہوئے کہا کہ تعلیم ہی ترقی یافتہ اور خوشحال معاشرے کی بنیاد ہے اور اسی وژن کے تحت نوجوان نسل کو معیاری تعلیمی سہولیات کی فراہمی حکومت کی اولین ترجیح ہے۔وزیر اطلاعات نے کہا کہ کوہاٹ میں پرائمری سے ہائر سیکنڈری سطح تک درجنوں سکولوں کی اپ گریڈیشن کی منظوری دی جا چکی ہے جبکہ خواتین یونیورسٹی اور ڈگری کالج کے منصوبوں کے ساتھ ساتھ ایک ہزار بیڈ پر مشتمل جدید ہسپتال کی منظوری بھی دی گئی ہے۔انہوں نے کہا کہ یہ منصوبے خطے میں تعلیمی اور طبی سہولیات کے ایک نئے دور کا آغاز ثابت ہوں گے۔ انہوں نے مزید کہا کہ کوہاٹ میں کروڑوں روپے کی لاگت سے سڑکوں کی تعمیر و بحالی کا کام بھی جاری ہے جس سے نہ صرف رابطہ سڑکوں کا نظام بہتر ہوگا بلکہ علاقائی ترقی میں بھی تیزی آئے گی۔ ان کا کہنا تھا کہ یہ تمام اقدامات کوہاٹ کو ایک جدید اور ترقی یافتہ شہر میں تبدیل کرنے کے جامع وژن کا حصہ ہیں۔ چکرکوٹ میں ہائر سیکنڈری بلڈنگ کے افتتاح کے حوالے سے انہوں نے کہا کہ یہ منصوبہ علاقے کے طلبہ کیلئے ایک اہم سنگ میل ہے جس سے انہیں بہتر تعلیمی ماحول اور مزید مواقع میسر آئیں گے۔ انہوں نے محکمہ تعلیم اور متعلقہ اداروں کی کارکردگی کو سراہتے ہوئے کہا کہ حکومت تعلیمی ڈھانچے کی بہتری کیلئے مسلسل کام کر رہی ہے تاکہ کوئی بچہ تعلیم کے بنیادی حق سے محروم نہ رہے۔ افتتاحی تقریب کے بعد وزیر اطلاعات نے عمارت کے مختلف حصوں کا معائنہ بھی کیا۔ تقریب کے اختتام پر شرکاء نے حکومتی اقدامات کو سراہتے ہوئے امید ظاہر کی کہ تعلیمی و ترقیاتی منصوبوں کا یہ سلسلہ مستقبل میں بھی جاری رہے گا۔

A detailed briefing on the performance and role of the Regional Training Institutes (RTIs) of the Population Welfare Department was presented to the Special Assistant to the Chief Minister (SACM) for Population Welfare, Tufail Anjum, during a meeting attended by senior officials of the department.

The meeting was informed that three Regional Training Institutes are currently functional in Peshawar, Abbottabad and Malakand, while a fourth institute is being established in Dera Ismail Khan under the Annual Development Programme (ADP).

Officials briefed the SACM that the primary mission of these institutes is to develop a competent cadre of family planning and reproductive health service providers through high-quality, competency-based training programmes.

The RTIs offer a two-year basic training course for Family Welfare Workers (FWWs), open to female candidates who have passed FSc or Matriculation with science subjects. Upon successful completion of the course, trainees are awarded a diploma accredited by the Pakistan Nursing Council, enabling them to seek employment in both public and private sectors as reproductive health and family planning service providers.

The meeting was told that the programme significantly contributes to youth development and female empowerment by creating employment opportunities for women across the province.

According to the briefing, approximately 30 students graduate annually from the Abbottabad institute, 40 from Peshawar and 50 from Malakand. In addition to the basic diploma programme, the institutes also conduct advanced courses that are mandatory for the promotion of Family Welfare Workers within the department.

The RTIs further serve as training hubs for refresher and professional development courses for doctors, paramedics and other healthcare personnel from the Population Welfare Department, Health Department and various non-governmental organisations (NGOs).

SACM was informed that districts across Khyber Pakhtunkhwa, including the merged districts, have been linked with specific RTIs to ensure equitable access to training opportunities. Admissions to the basic course are granted strictly on merit, while reserved seats are available for minority communities and persons with disabilities.

During the briefing, officials also highlighted the staffing structure, training modules, selection procedures and examination system of the institutes.

The meeting was attended by Secretary Population Welfare Dr. Aneela Durrani, Director General Population Welfare Abdullah, Project Directors Hidayat and Samiullah, along with other senior officers of the department.

وزیر اطلاعات و تعلقات عامہ خیبرپختونخوا شفیع جان نے بانی چیئرمین عمران خان سے ان کی فیملی اور وکلاء کو ملاقات کی اجازت نہ دینے پر شدید ردعمل دیتے ہوئے کہا ہے کہ پنجاب حکومت اور اڈیالہ جیل انتظامیہ عمران خان سے ملاقاتوں پر پابندی لگا کر مسلسل عدالتی احکامات کی خلاف ورزی کر رہی ہیں۔ انہوں نے کہا کہ ایسے غیر آئینی اور غیر قانونی اقدامات جمہوری اقدار، بنیادی انسانی حقوق اور قانون کی حکمرانی کے منافی ہیں۔اڈیالہ جیل کے باہر میڈیا نمائندوں سے گفتگو کرتے ہوئے شفیع جان نے کہا کہ پنجاب پولیس نے مختلف مقامات پر رکاوٹیں کھڑی کرکے پارٹی کے سیکرٹری جنرل سلمان اکرم راجہ سمیت دیگر رہنماؤں اور کارکنوں کو روکا گیا، تاہم اس کے باوجود ہزاروں کارکن اڈیالہ جیل کے باہر پہنچے۔انہوں نے کہا کہ بانی چیئرمین عمران خان اور ان کی فیملی کے ساتھ اظہار یکجہتی کے لیے صوبائی کابینہ کے اراکین، اراکین صوبائی اسمبلی اور کارکن بڑی تعداد میں اڈیالہ پہنچے تھے۔شفیع جان نے کہا کہ پنجاب حکومت عمران خان کی عوامی مقبولیت کے خوف میں غیر قانونی ہتھکنڈوں کے ذریعے آئین و قانون کو پامال کررہی ہے،انہوں نے مزید کہا کہ رات کی تاریکی میں عمران خان کی خفیہ طورپر ہسپتال منتقلی اور ان سے ملاقاتوں پر پابندی پنجاب حکومت کے آمرانہ اور فسطائی طرز عمل کی عکاسی کرتی ہے۔انہوں نے سوال اٹھایا کہ پنجاب حکومت بتائے کہ عمران خان کی صحت کے حوالے سے آخر کون سی حقیقت چھپائی جا رہی ہے اور اہل خانہ، وکلاء اور ذاتی معالجین کو مکمل رسائی کیوں فراہم نہیں کی جا رہی۔صوبائی وزیر اطلاعات نے مطالبہ کیا کہ عمران خان کی فیملی، وکلاء اور ذاتی ڈاکٹروں سے فوری ملاقات کرائی جائے تاکہ ان کی صحت سے متعلق تمام خدشات کا خاتمہ ہو سکے۔ انہوں نے مزید کہا کہ عمران خان کو فوری طور پر الشفاء آئی ہسپتال منتقل کرکے بہترین طبی سہولیات فراہم کی جائیں۔انہوں نے کہا کہ پنجاب کی کٹھ پتلی حکومت عمران خان کی صحت کے معاملے پر سیاست کر رہی ہے، تاہم سیاسی دباؤ اور انتقامی کارروائیوں کے باوجود پاکستان تحریک انصاف اپنے قائد عمران خان کے لیے انصاف کے حصول کی جدوجہد قانونی اور آئینی دائرے میں جاری رکھے گی۔شفیع جان نے کہا کہ فارم 47 کی حکومت یاد رکھے کہ جیل کی مشکلات عمران خان کے عزم، حوصلے اور عوامی حمایت کو کمزور نہیں کر سکتیں اور ان کی آواز کو دبانے کی ہر کوشش ناکام ہوگی۔

وزیر اعلیٰ خیبرپختونخوا کے مشیر برائے کھیل و امور نوجوانان تاج محمد خان ترند سے ڈائریکٹر یوتھ افیئرز خیبرپختونخوا عباس آفریدی نے ملاقات کی، جس میں صوبے کے نوجوانوں کے لیے مختلف پروگرامز، منصوبوں اور مستقبل کی حکمت عملی پر تفصیلی گفتگو کی گئی۔
ملاقات کے دوران نوجوانوں کو مثبت سرگرمیوں کی جانب راغب کرنے، انہیں تعلیمی، فنی اور تخلیقی مواقع فراہم کرنے سمیت یوتھ ڈویلپمنٹ کے مختلف اقدامات کا جائزہ لیا گیا۔اس موقع پر مشیر کھیل و امور نوجوانان تاج محمد خان ترند نے کہا کہ نوجوان صوبے کا قیمتی سرمایہ ہیں اور حکومت خیبرپختونخوا نوجوانوں کی صلاحیتوں کو اجاگر کرنے کے لیے بھرپور اقدامات کر رہی ہے۔ انہوں نے کہا کہ نوجوانوں کو آگے بڑھنے کے مواقع فراہم کرنا اور انہیں بااختیار بنانا ہماری ترجیحات میں شامل ہے۔انہوں نے متعلقہ حکام کو ہدایت کی کہ نوجوانوں کے لیے شروع کیے جانے والے منصوبوں کو مزید مؤثر بنایا جائے تاکہ زیادہ سے زیادہ نوجوان ان سے مستفید ہو سکیں۔ڈائریکٹر یوتھ افیئرز عباس آفریدی نے محکمہ کی جانب سے جاری سرگرمیوں اور مستقبل کے منصوبوں کے حوالے سے مشیر کھیل و امور نوجوانان کو بریفنگ دی اور نوجوانوں کی بہتری کے لیے مزید اقدامات اٹھانے کے عزم کا اظہار کیا۔